بۇل مەيىرىمدى، جاناشىر، ماقتاۋعا تۇرارلىق ەر ازاماتتىڭ ەسىمى پاتريك كيلونزو مۆالۋا. ول جىل بويى جابايى اڭداردى ولىمنەن قۇتقارىپ كەلگەن.

كەنيادا ءبىر جىل بويىنا جاڭبىر جاۋماعاندىقتان، قالا ساياباقتارىن ءشول باستى. كەنيالىق تۇرعىن بۇل جاعدايدى ەسكەرىپ، شارا قولدانۋعا كىرىستى.

الدىمەن، پاتريك ءار اۋداننىڭ ساياباعىنا سۋ تاسۋ ءۇشىن جۇك كولىگىن جالعا الدى.

ءار كۇنىن جۇك كولىگىمەن قالانىڭ ءار ساياباعىن ارالاپ، جابايى اڭدارعا سۋ تاسۋمەن وتكىزىپ ءجۇردى.

پىلدەر، ەنەكە، بوكەندەر، الا قۇلاندار، ساياباقتىڭ بار جابايى اڭدارى پاتريككە باۋىر باسىپ قالعان.

ءتىپتى، اڭدار ءوز قۇتقارۋشىلارىنىڭ جولىن توسىپ جۇرەدى ەكەن. اۆتوكولىكتىڭ داۋىسىن ەستىسە، ەلەڭ ەتە قالاتىن كورىنەدى.

 تاعى ءبىر جۇك كولىگى كەرەك بولعاندىقتان، پاتريك حالىقتان كومەك سۇرادى. بۇل وتىنىشىنە ادامدار كومەكتەسۋگە دايىن بولدى. ماسەلەن، اقش-تىق ءۇش ايەل الەۋمەتتىك جەلى ارقىلى 18 مىڭ دوللار جيناپ بەرگەن. بۇل اقشا قوسىمشا جۇك كولىكتەرىنە جۇمسالاتىن بولادى. مەيىرىمدى جانداردىڭ جانۋارلار ومىرىنە بەيجاي قاراماۋى پاتريكتى قۋانتتى.

بۇدان بولەك، پاتريك باسقا دا ىس-شارالارمەن اينالىسادى ەكەن. «ساۆو مەيىرىمدىلەرى» جوباسىنىڭ جەتەكشىسى رەتىندە، مەكتەپتەردى ارالاپ، وقۋشىلاردى مەيىرىمدىلىكپەن اينالىسۋعا شاقىرادى.

دەرەككوز: لەمۋروۆ.net