امەريكا ءتىلشىسى دجوشۋا بليسمان قازاقستاندىق بوكسەر گەنناديي گولوۆكيندى مەكسيكالىق ساۋل الۆارەستەن قاشىپ ءجۇر دەپ ماقالا جازادى. بۇل جايىندا Vesti.kz حابارلايدى.

«گولوۆكين «كانەلودان» قاشۋىن دوعارىپ، جەكپە-جەككە شىعۋى ءتيىس. «كانەلونىڭ» پروموۋتەرلەرى گولوۆكينگە جاقىن كۇندەرى 15 ميلليون اقش دوللارىن، بۇدان بۇرىن 10 ميلليون ۇسىنعان ەكەن. گولوۆكينگە بۇنداي قوماقتى سومانى باسقالارى ۇسىنا ما؟»، - دەپ پىكىرىن ءبىلدىردى ءتىلشى.

«ەگەر گولوۆكين كانەلومەن جەكپە-جەك الاڭىندا كەزدەسۋدى قالاسا، ۇسىنىستى قابلدار ەدى. بۇل مەنىڭ وزىندىك پىكىرىم.

بۇل گولوۆكيننىڭ سپورت الەمىندەگى مانسابىن كوتەرەتىن بىردىەن-بىر ۇسىنىس، ارينە، ەگەر جەڭىسكە جەتسە. «كانەلوعا» قارسى وسىنداي ۇسىنىستى ماعان ايتسا، ويلانباستان كەلىسەر ەم. ءتىپتى، ءبىر ميلليون بەرسەڭدەر، گولوۆكينمەن دە، «كانەلومەن» دە جەكپە-جەككە شىعۋعا دايىنمىن»، - دەيدى بليسمان.

ءتىلشىنىڭ ايتۋىنشا، «كانەلو» كەزدەسۋگە ءقازىردىڭ وزىندە دايىن. تەك گولووۆكيننەن جاۋاپ كۇتۋدە. باسقا بوكسشىلارمەن كەزدەسۋدەن گولوۆكين ءدال «كانەلو» ۇسىنعان تابىسقا كەنەلە قويماس.

ەسكە سالا كەتەيىك، گولوۆكيننىڭ كەلەسى جەكپە-جەگى 18 ناۋرىز كۇنى نيۋ-يورك قالاسىنداعى Madison Square Garden ارەناسىندا وتەدى. قارسىلاسى – ورتا سالماقتاعى امەريكالىق دەنيەل دجەيكبوس.