الماتىداعى احمەت بايتۇرسىن ۇلى مۋزەيىندە الاش ارىستارىنىڭ 100 جىلدىعىنا ارنالىپ اس بەرىلدى. اسقا قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ەرجان قاجى مالعاجى ۇلى قاتىسىپ، الاش قايراتكەرلەرىنىڭ رۋحىنا قۇران وقىپ، باتا جاسادى.
وسىناۋ استى Qamshy.kz اقپاراتتىق اگەنتتىگى ۇيىمداستىرعان. يگى شارانى جۋرناليست بولات ءمۇرسالىم جۇرگىزدى. شاراعا الاشتانۋشى عالىمدار مەن زيالى قاۋىم وكىلدەرى، جۋرناليستەر قاتىستى. سونداي-اق، اسقا الماتى قالاسى اكىمىنىڭ ورىنباسارى سۇلتانبەك ماكەجانوۆ قاتىسىپ، الاش ارىستارىنا ارنالعان استىڭ الاش وردانىڭ 100 جىلدىعىن تويلاۋدىڭ باستاماسى ەكەنىن ەسكە سالىپ، قۇتتى بولسىن ايتتى. زيالى قاۋىم وكىلدەرى الاش ارىستارىنىڭ عيبراتتى عۇمىرلارى تۋرالى ءسوز سويلەپ، ەستەلىكتەرىمەن ءبولىستى. ايتا كەتەر بولساق، ءسوز العانداردىڭ بارلىعى الاشتىڭ تويىنا باستاما بولىپ جاتقان «قامشى» پورتالىنا، پورتالدىڭ جەتەكشىسى ءبىلال قۋانىشقا العىستارىن ايتتى. شارا سوڭىندا قوناقتارعا ارنالىپ شاعىن كوسەرتتىك قويىلىم بولدى. «تۇران توبى»، «الاش ۇلى» توبى، بيبىگۇل قيلىمحان سياقتى ونەر جۇلدىزدارى اننەن شاشۋ شاشتى.
قمدب باسپا ءسوز قىزمەتى
Muftyat.kz
پىكىر قالدىرۋ