الاش – رۋح
(1917 – 2017ج)
(الاش قايراتكەرلەرىنە ارنالعان اس)
بولاشاققا جەتسە ەكەن ىزگى ءۇنىم،
مۇعجيزا كۇن جۇزدەسىپپىز ءبىز بۇگىن.
ەسكە الامىز مارتەبەسىن تۋ ەتىپ،
ۇلى الاش ۇرانىنىڭ ءجۇز جىلىن!
الاش كيە - سانامىزعا ورناعان،
ول تۋرالى توقسان مارتە تولعانام.
ءبىر عاسىرلىق تاريحىندا الاشتىڭ،
ارنايى ءبىر اس بەرۋلەر بولماعان.
تاس تەسەدى ءمولدىر مونشاق تامشى دا،
وسىندا دا ءبىر قاسيەت بار ءسىرا.
ۇلىقتاعان كوسەمدەرىن الاشتىڭ،
راحمەت، ۇلت پورتالى «قامشىعا».
الاش رۋحى ۇزىلمەيتىن ۇلى ارنا،
ۇلى ارنانىڭ يەلەرى تۇر الدا.
الاش رۋحىن اسقاقتاتقان اس بەرىپ،
راحمەت، ساڭلاق ءىنىم- ءبىلالعا!
ءىسىمىزدى ىلگەرى ەتسىن ءبىر اللا!!
قىل مويىنعا قىلىش تونسە قىلشىلداپ،
اقيقاتقا تىكە قاراپ تۇرسىن ناق.
كەمەل ويلى ۇل مەن قىزدار وسسە ەكەن –
ۇلتشىل الاش رۋحىمەنەن سۋسىنداپ.
الاش، الاش- مەنىڭ ۇلتتىق ۇرانىم،
الاش، الاش تاۋسىلمايتىن جىر- ءانىم.
شاھيت بابا ارۋاعىنا ارناعان،
قابىل بولسىن، حاديس، دۇعا، قۇرانىم!
قايرات قۇلمۇحاممەد
اقىن، ق ر مادەنيەت قايراتكەرى
پىكىر قالدىرۋ