بۇگىنگى كۇنى ساندەنىپ، اشىق-شاشىق كيىنگەن قىزدارىمىزدى كورگەندە «باتىسقا ەلىكتەۋشىلىك» دەپ باعالايمىز. باتىسقا ەلىكتەيدى ەكەن، باتىس قىزدارىمىزدى تاربيەسىزدىككە باۋلىپ ءجۇر دەپ ايىپتايمىز.

باتىس ەلدەرىندە اسىل دىنىمىزبەن بايلانىسى بار باسقاسىن ايتپاعاندا، شاريعات ءشالىسىن جامىلۋعا تىيىم سالۋشىلىق، اسىرەسە، قوعامدىق ورىندار مەن مەملەكەتتىك مەكەمەلەردە ايەلدەردىڭ باسىنا ورامال تارتىپ جۇرۋىنە دەگەن تەرىس كوزقاراس كەيىن ەنگىزىلگەن جالعان قۇندىلىقتاردىڭ ناتيجەسىنەن بولىپ شىقتى. وعان مىنا تومەندەگى ۆيدەو دالەل بولا الادى. ءتۇپ نەگىزىنە مانسىزدەۋ ءارى جالپىلاما ۇعىمدى جاتقىزعان زايىرلىلىقتى جەلەۋ ەتكەن ەۋروپالىق قۇندىلىقتى قانشا العا تارتقانىمەن بۇل الداۋ قوعامدىق پىكىردى بۇرىپ اكەتۋدەن وزگە ەشنارسە ەمەس. 1901 جىلدان بەرى ءبىر عاسىردان اسا ۋاقىت ەندى ءوتتى. بۇل تالايدى كورگەن، كۋا بولعان تاريح ءۇشىن قاس قاعىم ءسات. ەڭ العاش كاپيتاليستىك  جۇيە ورناعان ۇلىبريتانيانىڭ وزىندە 1901 جىلى ايەل اتاۋلى، سونىڭ ىشىندە، كامەلەتكە تولماعان بويجەتكەندەردىڭ دە باستارىنا ورامال تارتقانىن بايقاۋعا بولادى. 
دەرەككوز: Islam.kz