اقتوبەدە كورشىسىنىڭ 2 جاسار بالاسىن زورلاپ تاستاعان ەر ادام 18 جىلعا باس بوستاندىعىنان ايىرىلدى. الپامساداي ازاماتتىڭ كىشكەنتاي سابيگە جاساعان قياناتىنىڭ قالاي بولعانىن سوت قىزمەتكەرلەرى بايانداپ بەردى دەپ حابارلايدى وڭىردەگى NUR.KZ پورتالى

«اراققا سىلقيا تويىپ العان ك. ەسىمدى تۇرعىن ءتۇس كەزدە كورشىسىنىڭ ۇيىنە بارعان. ءۇيدى تورۋىلداپ ءجۇرىپ، تەرەزەدەن ويناپ وتىرعان 2 جاستاعى سەرىكتى كورگەن. ول كورشىسىنىڭ بالاسىنىڭ جالعىز ويناپ وتىرعانىن كورىپ، ويى باسقا جاققا كەتەدى. سوتتالۋشى الدىمەن ءۇيدىڭ ءىشىن ارالاپ، ۇيدە ەشكىمنىڭ جوقتىعىنا كوز جەتكىزگەن. ول ۇيگە ەركىن كىرىپ، ەسىكتى ىشتەن بەكىتىپ بالانى زورلايدى»، - دەيدى اقتوبە وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ باس مامانى انار قوحانوۆا.

شىرىلداپ جىلاعان ءسابيدىڭ داۋىسى دالاعا دەيىن جەتكەن. بالاسىنىڭ داۋىسىن ەستي سالا اناسى ۇيگە جۇگىرە جەتكەنىمەن ەسىكتى اشا المايدى. جان ۇشىرىپ، بالاسى جىلاپ وتىرعان بولمەنىڭ تەرەزەسىنە كەلەدى. اناسى سول ساتتە ىشتە بولىپ جاتقان ادام شوشىرلىق جاعدايدىڭ كۋاسى بولعان.

«اناسى العاشىندا ابدىرىپ قالعان. دەرەۋ جولداسىنا حابار بەرەدى. بار كۇشىمەن تەرەزەنى قاعىپ «ەسىكتى اش» دەپ ايقايعا باسقان. سول كەزدە كورشىسى قولىنا ۇستاپ تۇرعان بالانى ەڭكەيىپ جەرگە قويىپ، ءتۇسىپ تۇرعان تريكوسىن قولىمەن قوتەرىپ، ەسىكتى اشقان. سەرىكتىڭ اناسى بولعان وقيعانى ىشكى ىستەر قىزمەتكەرلەرىنە حابارلاپ، ك. ەسىمدى ازامات تۇتقىندالدى»،- دەيدى باس مامان.