انفيسا شاريپوۆا 2009 جىلى العاشقىلاردىڭ ءبىرى بولىپ قازاق مەملەكەتتىك پەداگوگيكالىق ۋنيۆەرسيتەتتىڭ جاڭادان اشىلعان ورىس بولىمىنە وقۋعا تۇسكەن بولاتىن. قىزدار ۋنيۆەرسيتەتىندە ءبىلىم العان ورىس قىزى وقۋ ورىننىڭ ونىڭ ومىرىنە قالايشا اسەر ەتكەندىگى جايلى اڭگەمەلەپ بەردى دەپ جازادى «نۇر» سايتى. «قامشى» پورتالى ءوز كەزەگىندە ورىس قىزدارىنىڭ اسەرلى اڭگىمەسىن قازاقشاعا اۋدارىپ، وقىرمان نازارىنا ۇسىنۋدى ءجون دەپ تاپتى.

«مەن سولتۇستىك قازاقستاننىڭ قىزىمىن. ول جاقتا قازاق تىلىندە كوپ ادام سويلەمەيدى. الماتىعا كەلىپ قاتتى تاڭىرقادىم. ءتىل جاعىنان ازداپ قينالدىم. الايدا جاتاقحاناداعى كورشىلەرىم جاقسى بولىپ شىقتى. كورشىلەرىم قازاقستاننىڭ ءارتۇرلى وڭىرىنەن كەلگەن قازاق قىزدارى بولاتىن. ولارمەن جاقسى ءتىل تابىسىپ كەتتىم. قازاق تىلىنە يكەمدەلە باستادىم. سولاردان قازاقتىڭ عۇرپى مەن مادەنيەتى جايلى كەڭىنەن بىلە باستادىم.  قازاق تىلىنە دەگەن قىزىعۋشىلىپ ارتىپ، ونى ۇيرەنە باستادىم. ناتيجەسىندە «قىز ارۋى» بايقاۋىنا قاتىسىپ «دانا قىز» دەگەن تيتۋل الدىم»،-دەيدى انفيسا.ءۇشىنشى كۋرسقا دەيىن جاتاقحانادا تۇرعان انفيسا جاتاقحاناداعى ءومىردىڭ وڭاي ەمەستىگىن ايتىپ بەردى. جۇمىس جاساي وتىرىپ، جاتاقحانادا تۇرۋ اۋىر. تاڭدا ءبىراق جۇمىستان كەلەتىن مەنى كومەندانت تۇستە كەلىپ وياتىپ الاتىن. قىسقاسى، اسكەري ءومىر مۇنىڭ قاسىندا ويىنشىق  دەيدى ول.

«اۋىلدان كەلگەن قىزدار تىنىش، بايسالدى، سالماقتى. سونىمەن قاتار قاراپايىم ءارى قوناقجاي. ولار ەت اسىپ، كورشىلەردى تاماققا شاقىراتىن. سولاردىڭ كومەگىمەن قازاقشا ەت اسۋدى ۇيرەندىم. قازاقتىڭ قىزدارى مەنى سالماقتى، ساليقالى بولۋعا تاربيەلەدى» دەپ ويىن قورىتىندىلادى انفيسا. ايتا كەتەرلىگى، انفيسا شاريپوۆا رەسەيدىڭ پەتەربورىندا فوتومودەل بولىپ جۇمىس جاسايدى.

اتالمىش وقۋ ورىننىڭ تاعى ءبىر تۇلەگى ولگا ۆويتوۆيسكايا دا اسەرلى اڭگەمەسىمەن ءبولىسۋدى ءجون دەپ شەشتى. «مەن دەنە تاربيەسى مەن ۆالەولوگيا كافەدراسىندا ءبىلىم الدىم. ءبىز 12 ادام بولاتىنبىز. ورىس بلىمىندە كادر جەتىسپەۋشىلىگى بايقالاتىن. قازاق بولىمىندەگى قازاق قىزدارىمەن جاقسى ارالاستىق. ولار كوبىنەسە جاتاقحانادا تۇراتىن. مەن الماتىلىقپىن. الايدا توپتىڭ جارتىسى جاتاقحانادا تۇراتىندىقتان ول جاققا ءجيى باراتىنمىن. سول قازاق قىزدارىمەن ءالى كۇنگە دەيىن ارالاسامىن. قىزداردىڭ كوبى كۇيەۋگە ەرتە شىعىپ كەتتى. ءبىلىمىن ءتامامداپ، كوبىسى اۋىلدارىنا ورالدى. قازاق قىزدارىنىڭ مىنەزدى اشىق جارقىن، وزدەرى اق كوڭىلدى. داستۇرلەرىن قاتتى قۇرمەتتەيدى. ولار ءۇشىن ءبىرىنشى ورىندا وتباسى، سوسىن عانا مانساپ تۇرادى. وتباسىن قۇرسا دا ءبىلىم الۋدى جالعاستىردى» دەيدى ولگا ۆويتوۆيسكايا.

ولگا ۆويتوۆيسكايا بۇگىنگى تاڭدا الماتىدا دەنە تاربيەسىنەن ساباق بەرەدى.

اۋدارعان: جازيرا بايدالى