بۇگىنگى تاڭدا الەمدە جابىرلەنۋشى قىزدار مەن ايەلدەردىڭ سانى كۇن ساناپ ارتىپ كەلەدى. زورلاۋشى قىلمىسكەر ءوز جازاسىن تارتاتىنى انىق. الايدا، جابىرلەنۋشىنىڭ جاعدايى قانداي بولماق؟ وعان مورالدىق تۇرعىدان ەشكىم كومەك كورسەتە الماس. تەك قىلمىسكەرگە بەرىلگەن جازا عانا جابىرلەنۋشىنىڭ كوڭىلىنە مەدەۋ بولادى.  

قىز زورلاپ ءىستى بولعان امەريكالىق ستۋدەنت بروك تەرنەر سوت شەشىمى بويىنشا 6 ايعا باس بوستاندىعىنان ايىرىلدى. بۇل جازاعا تۇرعىلىقتى حالىق تۇبەگەيلى قارسىلىق تانىتادى. بارلىق بۇقارالىق اقپارات جىگىتكە بەرىلگەن جازانىڭ ادىلەتسىز ەكەنىن ايتىپ جار سالادى.

ءوز قىلىمىسى ءۇشىن لايىقتى جازاعا تارتىلۋىن، ءىسىنىڭ تاعى دا قارالۋى ءتيىس ەكەنىن سۇرايدى.

ال، قازاقستان رەسپۋبليكاسىنىڭ قىلمىستىق كودەكسىنە سايكەس زورلاۋ فاكتىسىمەن ۇستالعاندار 15-تەن 20 جىلعا دەيىن باس بوستاندىعىنان ايرىلادى جانە 10 جىلدان 20 جىلعا دەيىن بەلگىلى ءبىر لاۋازىمدى يەلەنە المايدى نەمەسە تەك باس بوستاندىعىنان عانا ايرىلۋى مۇمكىن.

ەندى، باسقا مەملەكەتتەردە قىز زورلاعان قىلىمسكەرلەردىڭ جازاسى قانداي بولماق؟ «قامشى» پورتالى قورلىق جاساعان قىلمىسكەرلەرگە قانداي اۋىر جازا قولداناتىنىن انىقتاپ، نازارلارىڭىزعا ۇسىنادى.

سولتۇستىك كورەيا

بۇل مەملەكتتىڭ جازالاۋ ءتۇرى ەرەكشە – جابىرلەنۋشىگە قىلىمسكەردى ءوز قولىمەن اتۋعا مۇمكىندىك بەرىلەدى. ياعني، زورلاۋشى ءوزى جابىرلەگەن ادامنىڭ قولىنان ءولىم قۇشادى.

نيدەرلاندى

نيدەرلاندىدا كۇشپەن ەرنىنەن ءسۇيۋ دە قورلىق كورسەتۋ بولىپ سانالادى ەكەن. قىلمىسكەر جاسىنا ءارى قىلىمىسىنا سايكەس 4 جىلدان 15 جىلعا دەيىن باس بوستاندىعىنان ايىرىلادى.

جۇڭگو

قىتايدا زورلىق جاساعان ادام ءولىم جازاسىنا كەسىلەدى. سونداي-اق، قىلمىسىنا بايلانىستى سوت ۇكىمى جابىرلەۋشىگە فيزيكالىق كاستراسيا ءىسىن دە قولدانا الادى.

يران

زورلىق جاساعان قىلمىسكەرگە بۇل مەملەكەت اۋىر جازا قولدانادى. دارعا اسادى نەمەسە اتۋ جازاسىنا كەسەدى. قىلمىسكەر ءولىم جازاسىنان قاشپاق بولعان جاعدايدا، 100 مارتە قامشىمەن سابالىپ، ءومىر بويىنا باس بوستانىدىعىنان ايىرىلادى.

فرانسيا

فرانسيا، پاريج دەسە كوز الدىمىزعا رومانتيكاعا تولى اتموسفەرا ەلەستەيدى. الايدا، زورلاۋشى ادام اۋىر جازاعا كەسىلەدى. فرانسيا سوتى قىلىمسكەردى 15 جىلدان 30 جىلعا دەيىن باس بوستاندىعىنان ايىرادى. قىلمىسى اۋىر بولسا، ءومىر بويىنا باس بوستانىدىعىنان ايىرىلادى.

اقش

اقش-تا زورلاۋشى ادامدار ءار ءتۇرلى جازالانادى. ءار 50 شتات وزىنشە جازا قولدانادى. ال ەگەر ءىس ءار شتاتتا ەمەس، فەدەرالدى تۇردە قارالسا، قىلىمىسكەر 30 جىلعا تۇرمەگە توعىتىلادى.

نورۆەگيا

نورۆەگيادا زورلاۋشى ادام قىلمىسىنىڭ اۋىرلىعىنا قاراي 4 جىلدان 15 جىلعا دەيىن باس بوستاندىعىنان ايىرىلادى.

اۋعانىستان

اۋعانىستاندا كىنالى دەپ تانىلعان قىلمىسكەر ءولىم جازاسىنا كەسىلەدى. سولتۇستىك كورەياداعى سەكىلدى قىلمىسكەر جابىرلەنۋشى قولىنان قازا تابادى.

رەسەي

رەسەيدە قىلمىسكەر 3 جىلدان 30 جىلعا دەيىن باس بوستاندىعىنان ايىرىلادى.

ءۇندىستان

2013 جىلى زورلاۋشى قىلمىسكەرگە بايلانىستى ءۇندىستاندا جاڭا زاڭ قابىلداندى. زورلاۋشى كەم دەگەندە 14 جىلعا سوتتالادى، ال قىلمىسى اۋىر بولسا، دارعا اسىلادى.

ساۋد ارابياسى

ساۋد ارابياسىندا باسقا اراب مەملەكەتتەرىندەگىدەي سوت ۇكىمى بىتە سالا قىلمىسكەر ءولىم جازاسىنا كەسىلەدى.

مىسىر

مىسىردا ءبىر جاقسىسى  ءتۇبى جاماندىققا اپاراتىن زورلىق جايىندا حالىقارالىق دارىستەر ءجيى ءوتىپ وتىرادى.

يزرايل

يزرايل سوتى قىلمىسكەرگە 4 جىلدان 16 جىلعا دەين باس بوستاندىعىنان ايىرۋ جونىندە ۇكىم شىعارادى.

ءباا

بىرىككەن اراب امىرلىكتەرىندە زورلاۋشى ادام سوت ۇكىمى شىعارىلعاننان كەيىن 7 كۇن وتكەن سوڭ ءولىم جازاسىنا كەسىلەدى.

گرەكيا

بۇل مەملەكەتتە زورلاۋشى قىلمىسكەردى تۇرمە كۇتەدى. جازاسى قىلمىسىنا قاراي ولشەنەدى.

ۋكراينا

ۋكراينا مەملەكەتىندە قىلمىسكەر 3 جىلدان 5 جىلعا دەيىن باس بوستاندىعىنان ايىرىلادى.