مارقۇم اكەمنىڭ ءبىر قىزىق مىنەزى بار ەدى. تاڭ قاراڭعىسىنان تۇرىپ الىپ، نامازىن وقىپ بولعاسىن، ايقايلاپ، جۇرتتىڭ ءبارى وياتاتىن. كۇن شىققاندا ولگەن ادام عانا توسەكتە جاتادى دەيتىن. تالاي جاقتىرماي كۇڭكىلدەدىك قوي. اسىرەسە قوناق كەلگەندە ىڭعايسىز ەدى. ءبىراق ءوز دەگەنىمەن عانا جۇرەتىن اكەم مەيماننىڭ كوڭىلىنە قاراپ جاتپايتىن. تاڭ اتتى ما، ءبارى تۇرۋ كەرەك، ۆسە.
كەشە بەكارىستان مىرزاباي اعامنان قىزىق اڭگىمە ەستىدىم. اكادەميك اقجان ماشانوۆ الماتىدا 1979 جىلى (!) وقىعان ءبىر لەكسياسىندا يسلام ءدىنى تۋرالى اڭگىمەلەپ، تاڭعى نامازدىڭ پايداسى تۋرالى ايتىپتى. بيسميللاھي راحماني راحيم دەپ اڭگىمە باستاعاندا ءبىراز عالىمدار بىر-بىرىنە قاراپ، زالدىڭ ىشىندە سىبىر-كۇبىر كوبەيدى دەيدى. ءبىراق عالىم وعان ءمان بەرمەي، اڭگىمەسىن جالعاي بەرىپتى. بەكزات ادام عوي، قازىرگىلەردەي قورقىتىپ-ۇركىتپەي، تاڭعى نامازدىڭ پايداسىن عىلىمي تۇردە دالەلدەپتى. 
— تاڭ اتا تۇرىپ، قاسىڭىزداعى ادامعا قاراڭىز، — دەپتى عالىم، — ول قايتا-قايتا جۇتىنىپ جاتادى. ونىڭ سەبەبى تىرشىلىك وياندى، ونىڭ جۇرەگىنىڭ سوعۋى ارتتى. اۋىز قۋىسىنداعى ميكروبتار دا «ويانىپ»، بەلسەندى جۇمىسقا كىرىستى. ونىڭ ۇيىقتاپ جاتىپ، جۇتىنا بەرەتىنى سودان. دەمەك الگى ميكروبتاردى ول ىشىنە جۇتادى. ونىڭ اۋىرۋعا، ولۋگە دەگەن «مۇمكىندىگى» ۇلعايادى. ال تاڭ نامازىنا تۇرعان ادام دارەت العاندا، ءالى بەلسەندى قيمىلعا تۇسە قويماعان اۋىز قۋىسىنداعى ميكروبتار شايىلىپ كەتەدى... 
...اقىلعا قونىمدى، ءا؟ قازاقتىڭ كۇنمەن تالاسىپ ۇيىقتاما دەيتىنى دە سول عوي...

باۋىرجان باباجان ۇلىنىڭ فەيسبۋك پاراقشاسىنان