الماتى قالاسىنىڭ تۇرعىنى، 7 سىنىپ وقۋشىسى ەلباسىعا حات جازىپ، ونى فەيسبۋك الەۋمەتتىك جەلىسىندە جاريالادى دەپ حابارلايدى "قامشى" پورتالى. حاتتىڭ اۆتورىمەن ەمەس پورتال قىزدىڭ اكەسىمەن تىلدەستى. ءبارى حاتتا ايتىلعانداي بولىپ شىقتى. ەسكەرە كەتەتىن ءبىر جايت، ءبىزدىڭ پورتال ەركىن وي-پىكىر الاڭى بولىپ تابىلادى. قارشاداي قىزدىڭ ءوز باسىنىڭ ماسەلەسىن قوزعاپ، ادىلدىك ىزدەگەن حاتىن جاريالاماسقا بولمايدى. دەگەنمەن ەكىنشى تاراپتىڭ دا جاۋابىن جاريالاۋعا دايىنبىز.

"اسا ءقادىرلى نۇرسۇلتان اتا! ءسىز ءبىزدىڭ بولاشاعىمىز ءۇشىن ۇلكەن جۇمىس جاساپ جاتىرسىز. ءبىراق، سىزگە قارسى، ءبىزدىڭ بولاشاعىمىزعا قارسى ادامدار مەنىڭ ءسابي جۇرەگىمدى جارالادى. نۇرسۇلتان اتا! مەن الماتى قالاسىنىڭ تۇرعىنى قۇساينعازينا جاميلا ناعىز قىزى بولام. مەنىڭ سىزگە ءوتىنىشىم، مەنىڭ قولىمداعى نانىمدى ماڭعىستاۋ وبىلىسى اقتاۋ قالاسىندا، 9-ىقشام اۋدانى،4ء-ۇي، 90 پاتەردە تۇراتىن « ۆيكر پليۋس» ج ش س –ءنىڭ قوجايىنى كرىجانيۋك ۆلاديمير يۆانوۆيچ تارتىپ الدى. بولاشاعىمدى بۇلىڭعىر ەتتى. 
انىعىراق ايتسام: كرىجانيۋك ۆلاديمير يۆانوۆيچ اكەم كاسىپكەر قۇسايىنعازى ۇلى ناعىزدىڭ 116 ملليون 159 مىڭ 176 تەڭگەسىن بەرمەي وتىر. اكەم ءبىر نەشە جىل سوتتاسىپ تەنتىرەپ ءجۇرىپ ادىلدىككە زورعا جەتتى... ءبىراق سول الدامشىعا زاڭ ورىندارىنىڭ قۋاتى جەتەر ەمەس. ول مەنىڭ نانىمدى جەپ، بوستاندىقتا ءماز بولىپ ءجۇر. ءوز جەرىمىزدە ءوزىمىز نەگە تونالۋىمىز كەرەك؟ كىم بىزگە كومەكتەسە الادى؟! ءبىزدىڭ وتباسىمىز تىعىرىققا تىرەلدى... 
ءسىز، «بالالار ءبىزدىڭ بولاشاعىمىز»- دەيسىز، بولاشاعىڭىزدىڭ قولىنداعى ناندى تارتىپ العان ادامنان ءسىز مىقتى ەمەسسىز بە؟! ماعان كومەكتەسىڭىز! بولاشاعىڭىزعا كومەكتەسىڭىز! سول اقشانى الىپ بەرۋگە كومەكتەسىڭىز! سىزدەن باسقا ءۇمىتىمىز جوق!

الماتى قالاسى، 55 مەكتەپ 7 سىنىپ وقۋشىسى
قۇساينعازينا جاميلا ناعىز قىزى kerege-kz@mail.ru 87474014658