ۋفا قالاسىنىڭ وردجونيكيدزە اۋدانىنىڭ پروكۋراتۋراسى ەمدىك شارالارمەن اينالىسقان بىرنەشە قازاق ازاماتىن ۇستادى دەپ حابارلايدى «قامشى» پورتالى. بەلگىلى بولعانداي، قازاقستان رەسپۋبليكاسىنىڭ ازاماتتارى وتكەن جىلدىڭ ناۋرىزىنان باستاپ ماۋسىمىنا شەيىن وقۋ-سپورتتىق مادەني وراتىلىعىنىڭ ءبىر بولمەسىن جالداي وتىرىپ، «اتا-جولى» دەپ اتالاتىن ەمدەۋ كۋرسىن ۇيىمداستىرعان. ولاردا مەديسينالىق ءبىلىم دە، ليسەنزيا دا بولماي شىقتى. سوعان قاراماستان «ەمشىلەر» اۋرۋدان ايىقتىرامىز دەپ كەلۋiىلەرگە ءسوز بەرگەن. ولار ەمدەۋ بارىسىندا اتا-بابا ارۋاعىمەن سىرلاسقان، پاسيەنتتەردى قامشىمەن ساباعان دەلىنەدى.

اتالمىش فاكت بويىنشا اۋدان پروكۋراتۋراسى تەرگەۋ شارالارىن باستادى. بولاشاقتا قىلمىستىق ءىس قوزعالۋى مۇمكىن. ايتا كەتەرلىگى، وتانداستارىمىز جوعارىدا ايتىلعان ورتالىقتىڭ بولمەسىن زاڭسىز پايدالانعان. سەبەبى بولمەنى جالعا ۇسىنار الدىندا ونىڭ يەسى كوشى-قون قىزمەتىنە ەسكەرتىپ، رۇقسات الماعان.