رەسەيلىك تەلەجۇرگىزۋشى ءوزىنىڭ قازاقستانعا كەلىپ سەمينار وتكىزۋىنە بايلانىستى جازىلعان حالىقتىڭ اشۋىنان تۋىنداعان پىكىرلەرگە جاۋاپ بەردى. تەرىس پىكىر جازعان ادامداردى «جۇيكە-جۇيەسى اۋىتقىعان اۋرۋعا» تەڭەدى، دەپ جازادى qamshy.kz.

ينفورمبيۋرو تىلشىسىمەن سۇحباتتاسۋ بارىسىندا سولوۆيەۆ قازاقستاندا مىندەتتى تۇردە سەمينار وتكىزەتنىن ايتتى. تىلشىمەن ەرىپ راديسلاۆ گانداپاس پەن رومان ۆاسيلەنكو سىندى كاسىپكەرلەر دە كەلمەك. ولار «قاتاڭ كەلىسسوزدەر نەمەسە كوشباسشى بولۋ - ونەر» تاقىرىبىندا شەبەرلىك ساعاتىن جۇرگىزەدى.

«بۇل حەيتەرلەردىڭ ءبارى – ءوز الەمىندە اداسقان ادامدار. ۋاقىتتارىن تەك وشپەندىلىكپەن وتكىزەدى. وندايلاردى پسيحولوگيالىق تۇرعىدان اۋرۋ ادامدارعا جاتقىزار ەم. ولار وسىنداي ادىسپەن ءوز اتتارىن شىعىرعىلارى كەلەدى. وندايلارعا مەنىڭ تۇكىرگەنىم بار، باسقا ادامداردىڭ باسىنداعى ويلاردى زەرتتەۋگە ۋاقىتىم دا جوق. مەنى شاقىراتىن دا ولار ەمەس. «قازاقستان – ەركىن مەملەكەت» دەگەنگە كۇدىكپەن قارايتىن بولدىم. ەركىن مەملەكەت بولسا، باسقا ايماقتان ادامداردىڭ كەلۋىنە نەگە تىيىم سالادى؟» دەپ پىكىر ءبىلدىردى سولوۆيەۆ.

ونىڭ ۇستىنە الەۋمەتتىك جەلىدە رەسەيلىك ءتىلشىنىڭ قازاقستانعا كەلۋىنە قارسى بولىپ جازعان پىكىرلەردىڭ سانىندا ەسەپ جوق. رەسەيلىك ازاماتتىڭ قازاقتارعا اقىل ايتۋىنا ولار تۇبەگەيلى قارسى.

سەمينار ۋاقىتىندا قانداي دا ءبىر توتەنشە جاعداي ورىن الماس ءۇشىن سەمينار وتكىزىلەتىن عيماراتتا پوليسيا قىزمەتكرەلەرىنىڭ بولۋى مىندەتتى. سولوۆيەۆ تە سول پوليسيالارعا سەنىم ارتىپ وتىر.

«داۋ شىعارعىسى كەلگەندەر وزدەرى ءبىلسىن. ونداي ساتتە قازاقستاننىڭ پوليسيا قىزمەتكەرلەرى ءوز ىستەرىن بىلەدى دەپ ويلايمىن. ونىڭ ۇستىنە، قازاقستان رەسپۋبليكاسىنىڭ پرەزيدەنتى مەن پرەمەر-مينيسترىنە دەگەن قۇرمەتىم شەكسىز، ولاردى ەرەكشە سىيلايمىن. مەملەكەتتىڭ ىشكى ىستەرىنە ارالاسۋدان اۋلاقپىن. مەنىڭ ماقساتىم – ادامداردى وراتورلىق شەبەرلىككە ۇيرەتۋ. ەگەر كىمدە-كىم بۇل ويعانى ساياسيلاندىرعىسى كەلسە، ونىڭ ارتىندا ۇلكەن قارجىنىڭ تۇرعاندىعى بارىنە بەلگىلى».

ايتا كەتەيىك، ۆلاديمير سولوۆيەۆ قازاقستاندىقتارعا كاسىپكە باستار جولدى كورسەتەدى. 12 ساعاتقا سوزىلاتىن 3 ترەنينگ قاتىسۋشى كورەرمەندەرگە قاتارىنان وتكىزىلەدى. ءتىلشى ول جەردە جەتىستىكتىڭ قۇپيالارىمەن بولىسەدى، سونداي-اق كاسىپتەگى سەرىكتەستەرىمەن كەلىسسوزدەر جۇرگىزۋدىڭ جولدارىن اشىپ كورسەتەدى.