الماتىدا ۇيىمداسقان قىلمىستىق توپپەن كۇرەس باسقارماسىنىڭ قىزمەتكەرلەرى ءالى دۇنيەگە كەلە قويماعان ءسابيىن تۋا سالا ساتپاق بولعان قىزىلوردالىق 22 جاستاعى انانى ۇستادى. بۇل تۋرالى qamshy.kz الماتى قالاسىنىڭ ءىىد باسپا ءسوز قىزمەتىنە سىلتەمە جاساي وتىرىپ حابارلايدى.

«ءبىزدىڭ تاراپىمىزدان مۇقيات تەكسەرىلگەن اقپارات راستالدى. كىشكەنتاي ەكى بالاسى بار انا ءۇشىنشى ءسابيىن بوسانباي جاتىپ 2000 دوللارعا ساتۋدى جوسپارلاعان. ءتىپتى، بوسانباي جاتىپ ساتىپ الۋشىدان جارتى اقشاسىن العان ەكەن. ءسويتىپ، 4 كەلىلىك ۇل بالا بوسانىپ، جوسپارىن جۇزەگە اسىرماق بولعان  سەيفۋللين كوشەسىندەگى پاتەردە ۇستالدى»، -  دەپ حابارلادى الماتى قالالىق ءىىد ۇيىمداسقان قىلمىستىق توپپەن كۇرەس باسقارماسىنىڭ باستىعى ەرلان ورالبەكوۆ.

قىزىلوردا وبلىسىنىڭ 1994 جىلعى تۋماسى كۇيەۋىمەن جانە تاعى ەكى بالاسىمەن جالدامالى پاتەردە تۇرعان. جۇمىسسىز بولعاندىقتان جەزوكشەلىكپەن اينالىسىپ كۇن كورگەن.

وسىلايشا، بالاسىن ساتپاق بولعان ايەل ق ر قىلمىستىق كودەكسىنىڭ 135-بابىنىڭ 1ء-بولىمى بويىنشا («كامەلەتكە تولماعاندار ساۋداسى») قىلمىستىق جاۋاپكەرشىلىككە تارتىلدى. ال بالا سابيلەر ۇيىنە تاپسىرىلدى.