اقش-تا دەنساۋلىق ساقتاۋ سالاسىنداعى جاڭا رەفورماعا قارسى ءبىر توپ ادام كونگرەسس عيماراتىنا باسىپ كىرىپ، ەرەۋىل ۇيىمداستىردى، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ.
تارتىپسىزدىكتەرگە بايلانىستى پوليسەيلەر 80 ادامدى قاماۋعا العان. ايتا كەتكەن ءجون، بۇعان دەيىن اقش كونگرەسىنىڭ تومەنگى پالاتاسى بۇرىنعى پرەزيدەنت باراك وباما اكىمشىلىگى دايىنداعان «وباماكەيا» جوباسىن الىپ تاستاۋ ءۇشىن داۋىس بەرگەن. مىندەتتى مەديسينالىق ساقتاندىرۋدى كوزدەيتىن قۇجات تۇرمىسى تومەن حالىقتىڭ مۇددەسىن قورعاۋعا باعىتتالعان ەدى. الايدا دونالد ترامپتىڭ ايتۋىنشا، بۇل بيۋدجەتكە كوپ شىعىن كەلتىرەدى. سوندىقتان اق ءۇي باسشىسى دەنساۋلىق ساقتاۋ باعدارلامالارىن قارجىلاندىرۋدى قىسقارتاتىنىن جاريا ەتكەن.
شولۋشى: ايگەرىم تاۋباي
