ق ر ۇلتتىق قاۋىپسىزدىك كوميتەتىنىڭ بۇرىنعى باسشىسى نارتاي دۇتبايەۆتىڭ ءىسى سوتقا جولداندى، - دەپ حابارلايدى Qamshy.kz اقپاراتتىق اگەنتتىگى Tengrinews.kz سايتىنا سىلتەمە جاساپ. 

"ن.ن.دۇتبايەۆقا قاتىستى قىلمىستىق ءىستى تەكسەرۋ اياقتالدى جانە 2017 جىلدىڭ 4 شىلدەسىنەن اقمولا گارنيزونىنىڭ اسكەري سوتىنىڭ قاراۋىندا جاتىر"، - دەيدى ۇقك وكىلدەرى. 

ۇقك-نىڭ بۇرىنعى باسشىسىنا قاتىستى ءىس ماتەريالدارىندا مەملەكەتتىك قۇپيالار بار ەكەنى ايتىلدى.

مۇنىڭ الدىندا ۇلتتىق قاۋىپسىزدىك كوميتەتىنىڭ بۇرىنعى باسشىسى نارتاي دۇتبايەۆ پەن ءىستىڭ وزگە فيگۋرانتتارىنىڭ قاماۋدا وتىرۋ مەرزىمى ۇزارتىلعانى حابارلانعان بولاتىن. 

ايتا كەتەيىك، بۇل تۇلعالارعا قاتىستى تەرگەۋ قۇپيا تۇردە ءجۇرىپ جاتىر. نارتاي دۇتبايەۆتىڭ ۇستالعانى تۋرالى 2016 جىلدىڭ 28 جەلتوقسانىندا بەلگىلى بولدى. ول كەزدە ۇلتتىق قاۋىپسىزدىك كوميتەتىنىڭ وكىلدەرى بۇرىنعى باسشىعا قاتىستى تەرگەۋ ءجۇرىپ جاتقانىن مالىمدەگەن. نارتاي دۇتبايەۆ، نۇرلان حاسەنوۆ جانە ەرلان نۇرتايەۆ "مەملەكەتتىك قۇپيانى جاريا ەتۋ" جانە "بيلىك پەن قىزمەتتىك وكىلدىگىن اسىرا پايدالانۋ" دەگەن كۇدىكپەن ۇستالعان بولاتىن. كۇدىكتىلەر ۇقك-نىڭ تەرگەۋ اباقتىسىنا قامالدى. 

ەسكە سالايىق، نارتاي دۇتبايەۆ ۇلتتىق قاۋىپسىزدىك كوميتەتىن 2001 جىلدىڭ جەلتوقسانىنان 2006 جىلدىڭ اقپانىنان دەيىن باسقارعان بولاتىن.