قازاقستاندا جارتى جىلدا 738 ادام جول اپاتىنان مەرت بولعان، - دەپ حابارلايدى Qamshy.kz  اقپارات اگەنتىگى  قازاقستان رەسپۋبليكاسىنىڭ باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنە سىلتەمە جاساي وتىرىپ.
اعىمداعى جىلدىڭ 6 ايى بويىنشا ەلىمىزدىڭ جولدارىندا 7127 جول-كولىك وقيعاسى ورىن الدى، وندا 9992 ادام زارداپ شەكتى، 738ء-ى قازا تاپتى.وتكەن جىلدىڭ ۇقساس كەزەڭىمەن سالىستىرعاندا جكو 10،7%-عا، زارداپ شەككەندەردىڭ 10،3%-عا، قازا تاپقانداردىڭ 20،5%-عا تومەندەۋى بايقالادى.

ەڭ كوپ جكو الماتى قالاسى، الماتى جانە وڭتۇستىك قازاقستان وبلىستارىندا ورىن العان.

ادام ءولىمى بويىنشا الماتى وبلىسى الدىدا تۇر، وندا 162 ادام جول اپاتىندا قازا تاپقان. ءبىرىنشى جارتىلدىق بويىنشا ەڭ ۇلكەن جول-كولىك وقيعاسى اقتوبە وبلىسىندا بولدى، وندا 16 ادام زارداپ شەكتى، ونىڭ 9-ى قازا تاپتى.

«اپاتتىلىق كارتاسى» كورسەتكەندەي، قازاقستاندا الماتى قالاسىنداعى جاندوسوۆ پەن ماناس كوشەلەرىنىڭ قيىلىسى جول اپاتى ەڭ كوپ ورىن الاتىن جەر بولىپ تابىلادى، وندا 9 جكو ورىن الىپ، 10 ادام زارداپ شەككەن.