اۋعانستاننىڭ فاراح پروۆينسياسىندا «تاليبان» راديكالدى قوزعالىسىنىڭ قارۋلى توپتارى جولاۋشىلار مىنگەن اۆتوبۋسقا شابۋىل جاساپ، ناتيجەسىندە 7 ادام قازا بولدى. بۇل تۋرالى Qamshy.kz اقپارات اگەنتتىگى politoboz.net مالىمەتىنە سۇيەنىپ حابارلايدى.

وقيعا بالا بالۋك وكرۋگىندە بولدى. تالىپتەر جولدا كەتىپ بارا جاتقان اۆتوبۋستى توقتاتىپ، ونىڭ ىشىنەن 7 ادامدى الىپ شىعىپ، اتىپ تاستاعان. وسىدان كەيىن سودىرلار فاراح پەن گەرات قالاسى اراسىنداعى تاسجولدى جاۋىپ تاستايدى. قاۋىپسىزدىك كۇشتەرى دەرەۋ وپەراسيا جۇرگىزىپ، 10 سودىردىڭ كوزىن جويادى.

ايتا كەتەيىك، سوڭعى ۋاقىتتا نەگىزىنەن اۋىلدى جەرلەردە ىقپالى كۇشتى «تاليبان» راديكالدى قوزعالىسى ءىرى قالالارعا شابۋىلىن جيىلەتكەن. وسىمەن قاتار «يراك جانە ليەۆانت لاڭكەستىك ۇيىمىنىڭ» سودىرلارى دا بيلىككە قارسى لاڭكەستىك ارەكەتتەرىن كۇشەيتكەن.

شولۋشى: ايگەرىم تاۋباي