شقو بەسقاراعاي اۋدانىندا ەكى جۇمىسشى ايەل ءۇشىن توبەلەسىپ ءبىرى ەكەنىشىسىن پىشاقپەن جاراقاتتاعان. سودان كەيىن 43 جاستاعى قىلمىسكەر مەن جالعىز كۋاگەر-ايەل وقيعا ورنىنان قاشىپ كەتكەن. زارداپ شەككەن ەر ادام ءبىر تاۋلىكتەن كەيىن قايتىس بولعان دەپ حابارلايدى Qamshy.kz اقپارات اگەنتتىگى  YK-news.kz-كە سىلتەمە جاساپ.

ەرمەك، ەربول، گۇلنارا- ۇشەۋى تۇندە وزدەرى جۇمىس ىستەيتىن فەرمادا ىشىمدىك ىشكەن. قاتتى ماسايراعان سوڭ، ەرمەك گۋلناراعا وزىمەن بىرگە سەمەيگە بارۋدى ۇسىنادى. اناسى وعان ۇيلەنۋگە رۇقسات بەرگەنىن ايتادى. مۇنى ەستىگەن ەربول ەرمەكپەن سوزگە كەلگەن. ونىڭ دا ايەلگە كوڭىلى بار بولۋى كەرەك. ۇرىس توبەلەسكە ۇلاسقان. ەرمەك قارسىلاسىن بىرنەشە رەت پىشاقپەن ىشىنەن ۇرعان. گۇلنارا جاراقاتتانعان ەربولدى توسەككە جاتقىزىپ سۋ بەرگەن. ايەلدىڭ سوتتا بەرگەن جاۋابى بويىنشا، ول اتقا وتىرىپ كومەك ىزدەمەكشى بولعان، ءبىراق قورقىپ اينىپ قالعان.

وقيعانىڭ ەرتەسىندە ەرمەك قاشپاق بولعان. ول گۇلنارمەن بىرگە سەمەيگە كەتىپ، تەك ەرتەسىندە عانا ەرمەك فەرما باستىعىنا حابارلاسىپ بولعان جايت تۋرالى ايتىپ بەرگەن. فەرما باستاعى وقيعا ورنىنا جەتكەندە ەربول ءالى ءتىرى بولعان. الايدا جەدەل جاردەم جەتكەنشە كوز جۇمعان. سوتتا ەرمەك بارلىق كىنانى گۇلناراعا جاپپاقشى بولعان. ايەلدەن قورىققاندىقتان،شەشىمىن وزگەرتكەندىگىن ايتقان. الايدا بارلىق ايعاقتار ەرمەكتىڭ كىنالى ەكەنىن كورسەتتى.  بەسقاراعاي اۋداندىق سوتى ەرمەكتى 9 جىلعا باس بوستاندىعىنان ايىردى. ۇكىم ءالى زاڭدى كۇشىنە ەنگەن جوق.