30 ءبۇلدىرشىندى زورلاعانى ءۇشىن شىركەۋ قىزمەتكەرى جاۋاپكەرشىلىككە تارتىلماعان، دەپ حابارلايدى Qamshy.kz اقپاراتتىق اگەنتتىگى شەتەلدىك باق-قا سىلتەمە جاساپ.

ول 5 جانە 15 جاس ارالىعىنداعى 30-دان استام قىز بالالاردى زورلاعانىن مويىنداعاننان كەيىن شىركەۋدىڭ وزگە قىزمەتكەرلەرى ونى اقتاپ العان.

حوسە گارسيا ەسىمدى كاتوليكتىك شىركەۋ قىزمەتكەرى ۆيچ اۋرۋىنا شالدىعىپ، ونىمەن قويماي كىشكەنتاي بۇلدىرشىندەردى زورلاعانى ءۇشىن قىلمىستىق جاۋاپكەرشىلىككە تارتىلمايدى ەكەن. سونىمەن قاتار، ول ءوزىنىڭ قىلمىسىن تولىقتاي مويىنداعان.

پەدوفيلدىڭ قۇربانىنا اينالعان ءبىر ءبۇلدىرشىننىڭ اناسى قىزىنان ايىرىلعاننان كەيىن ريم پاپاسىنا حات جازىپ، جاعدايدى تالقىلاۋ ءۇشىن كەزدەسۋدى وتىنگەن. الايدا، ول «بۇل ماسەلە جابىلدى» دەپ ۇزىلدى-كەسىلدى باس تارتىپتى.

حوسە گارسيا 20-دان استام قىز بالالاردى سەكسۋالدى قاتىناسقا سۇيرەگەنىن ايتىپ بەردى. ولاردىڭ باسىم كوپشىلىگى جەرگىلىكتى، ياعني واحاكي قالاسىنىڭ تۇرعىنى ەكەن. واحاكي – جەرگىلىكتى تۇرعىندارى كوپ، مەكسيكانىڭ وڭتۇستىگىندە ورنالاسقان قالا.

مەكسيكادا كاتوليكتىك شىركەۋدىڭ ماڭىزى وتە زور بولعاندىقتان شىركەۋ قىزمەتكەرى قانداي دا ءبىر قىلمىستىق جازاعا تارتىلمايدى ەكەن. جەرگىلىكتى ب ا ق بەتتەرىندەگى دەرەكتەردە كورسەتىلگەندەي، شىركەۋ قىزمەتكەرى مەكسيكالىق ميتروپوليي تاراپىنان قانداي دا ءبىر قىسىم كورمەيتىن بولعان.

سونىمەن قاتار، پەدوفيلدىڭ قۇربانىنا اينالعان 30-عا جۋىق ادامنىڭ تەك ەكەۋى عانا سوتقا شاعىم ءتۇسىرىپتى. ولار شىركەۋ قىزمەتكەرىنىڭ اقتالعانىنا قاتىستى ۇكىمگە نارازىلىق بىلدىرمەك بولعان.

حوسە انتونيو فورتەانىڭ ايتۋىنشا، كىشكەنتاي بۇلدىرشىندەرگە زورلىق جاساۋ – سايتاننىڭ ءىسى بولىپ تابىلادى.

بىرنەشە ۋاقىت بۇرىن فرانسيسك پەدوفيل شىركەۋ قىزمەتكەرلەرىنە قاتىستى جازانى توقتاتاتىنىن ايتقان. سونىمەن قاتار، ولاردى جازالاۋدىڭ ورنىنا، كەرىسىنشە، ولاردى باسقا شىركەۋگە اۋىستىرىپ، قولداۋدى سۇرايدى. ونىڭ ايتۋىنشا، مەيىرىمدىلىككە تولى قاتاڭ جازاعا تارتپايتىن شىركەۋ جاساماق ەكەن.