استانا قالاسىنىڭ اكىمىنە «تمد-عا 25 جىل» اتتى ارنايى مەدال تابىستالدى، دەپ جازادى Qamshy.kz اقپارات اگەنتتىگى. تمد استانالارى مەن ءىرى قالالارىنىڭ حالىقارالىق اسسامبلەياسىنىڭ XXV سەسسياسىندا استانا اكىمىنە مەدال تابىستاعان «تمد ەكونوميكالىق دامۋى ىسكەرلىك كەڭەسى» ديرەكتورى ۆلاديمير ساۆچەنكو بولدى.

«تمد ىسكەرلىك ورتالىعى مەن باسشىلىعىنىڭ اتىنان استانا قالاسىنىڭ اكىمى اسەت يسەكەشيەۆ پەن حالىقارالىق قالالار اسسامبلەياسىنىڭ پرەزيدەنتى يرەك يالالوۆقا «تمد-عا 25 جىل» اتتى مەدالدى تابىستاۋعا رۇقسات ەتىڭىزدەر. جاڭا تەحنولوگيانى نىعايتۋدا بەلسەندى تۇردە ەڭبەكتەنىپ جاتقاندارىڭىزعا العىسىمدى بىلدىرەمىن»، - دەدى ساۆچەنكو.

تمد-نىڭ ەكونوميكالىق دامۋ ىسكەرلىك ورتالىعىنىڭ باس ديرەكتورى قازاقستان استاناسىنىڭ جاس قالا ەكەنىن ايتا كەتىپ، 25 جىل بۇرىن الماتىدا دوستىق تۋرالى كەلىسىمگە قول قويىلعانىن ەسكە ءتۇسىردى.

«ءدال وسى مەملەكەتتە 25 جىل بۇرىن الماتى قالاسىندا تاۋەلسىز مەملەكەتتەردىڭ دوستىعى جونىندە كەلىسىمگە قول قويىلعان ەدى. ال بۇگىن نەبارى 19 جاستاعى جاڭا استانادا باس قوستىق»، - دەدى رومان ساۆچەنكو.

سەسسيا جۇمىسىنا تمد اتقارۋشى كوميتەتى حالىقارالىق قالالار اسسوسياسياسىنا مۇشە  28 قالانىڭ جۇزگە جۋىق وكىلدەرى، 5 حالىقارالىق بىرلەستىك، 7 عىلىمي جانە ساراپتاۋ ۇيىمىنىڭ وكىلدەرى قاتىسۋدا.

شولۋشى: گۇلىم جاقان

فوتو: kazpravda.kz