رەسەيدىڭ انكاراداعى ەلشىلىگى تۇركيادا جوعالعان رەسەيلىك وتباسى تۋرالى مالىمەت ىزدەپ جاتىر. بۇل تۋرالى Qamshy.kz اقپارات اگەنتتىگى  يزۆەستيا باسىلىمىنا سىلتەمە جاساپ حابارلايدى.

تۇركيادا جوعالىپ كەتكەن ساراتوۆ قالاسىنىڭ تۇرعىندارى: سۆەتلانا ۋحانوۆا مەن ونىڭ ازاماتتىق نەكەدەگى كۇيەۋى ەۆگەنيي كوچااري مەن  ەكى قىزى سيرياعا قاشپاقشى بولعان.

ولار تۇركيا-سيريا شەكاراسىندا ۇستالعان. رەسەيلىك وتباسىنى سيرياداعى راديكالدى توپتارعا قوسىلماق بولعانى ءۇشىن ايىپتاپ جاتىر. ولار 1 ايدىڭ كولەمىندە وزدەرى تۋرالى حابار بەرمەي كەتكەن. ايەلدىڭ بۇرىڭعى كۇيەۋى ولاردى ىزدەستىرىپ ەلشىلىككە حابارلاسقان.

ايەل ءوز وتباسىمەن تۇركيا-سيريا شەكاراسىن جالعان قۇجاتتارمەن وتپەكشى بولعان كەزدە ۇستالعان. جاقىندارىنىڭ ايتۋى بويىنشا، سوڭعى ۋاقىتتارى سۆەتلانانىڭ مىنەز-قۇلقى وزگەرىپ كەتكەن، ول يسلامدى قابىلداپ ءدىننىڭ راديكالدى اعىمدارىنا قىزىعۋشىلىق تانىتىپ جۇرگەن. 

قازىرگى ۋاقىتتا رەسەي ەلشىلىگى ازاماتتاردىڭ ۇستالعانى تۋرالى مالىمەتتى تەكسەرىپ جاتىر.