ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ تەرروريستىك جانە باسقا دا اسا اۋىر قىلمىس ءۇشىن ازاماتتىقتان ايىرۋ بويىنشا زاڭعا ەنگىزىلگەن وزگەرىستەرگە قاتىستى پىكىرىن ءبىلدىردى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

مينيستر ەلباسى ن. نازاربايەۆ «ق ر كەيبىر زاڭنامالىق  اكتىلەرىنە ولاردى ق ر كونستيتۋسياسىنىڭ نورمالارىنا سايكەس كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا ۋاقىتىلى قول قويعانىن اتاپ ءوتتى. وعان سايكەس، بۇدان-بىلاي تەرروريستىك جانە باسقا دا اسا اۋىر قىلمىس جاساعان قازاقستاندىقتار ازاماتتىعىنان ايرىلاتىن بولادى.

بۇگىندە شەتەلدە لاڭكەستەر لاگەرىندە قازاقستاننىڭ 500 ازاماتى بار. 

ن.ەرمەكبايەۆتىڭ اتاپ وتۋىنشە، قازىرگى تاڭدا سيريا-يراك ايماعىندا تەرروريستىك توپتار ءۇشىن جاعدايدىڭ قيىنداپ جاتقانىن بىلەمىز. قىلمىسكەرلەر شەگىنۋ جولدارىن، سونىڭ ىشىندە وزدەرىنىڭ بۇرىنعى تۇرعان جەرلەرىنە قايتۋ مۇكىندىكتەرىن ىزدەستىرۋدە. الايدا، بۇل ولاردىڭ قىلمىستىق پيعىلدارىنان باس تارتقانىن بىلدىرمەيدى.

سوندىقتان، قازاقستاندىقتاردىڭ ىشىنەن شىققان وسىنداي ادامدار قىلمىستىق تاجىريبە جيناقتاپ، ەلىمىزگە ارام نيەت-ويمەن ورالۋى مۇمكىن. وسىعان وراي، جاڭا تولىقتىرۋلاردا ازاماتتىقتان ايىرۋ مۇمكىندىگى قاراستىرىلۋدا».

«ماسەلە تەرروريزم اكتىلەرىن، تەرروريستىك توپتاردى قۇرۋ جانە باسقارۋ، ونىڭ قىزمەتىنە قاتىسۋ، سونداي-اق  رەسپۋبليكامىزدىڭ ۇلتتىق جانە ومىرلىك ماڭىزى بار مۇددەلەرىنە اسا اۋىر زيان كەلتىرۋ تۋرالى بولىپ وتىر. سوت ءىستىڭ ءمان-جايىن، جاساعان ارەكەتىنىڭ اۋىرلىعىن، كەلتىرگەن زارداپتارىن تولىق زەردەلەۋ نەگىزىندە ەرەكشە جاعدايلاردا عانا ازاماتتىعىنان ايىرادى» - دەپ ناقتىلادى ول. 

مينيستر تۋعان جەرىن تاستاپ، شەتەلگە تەرروريستىك قۇرىلىمدارعا قاتىسۋعا كەتكەن ادامدار وتانىنا وپاسىزدىق جاساعاندارعا تەڭەلەتىنىن قاداپ ايتتى.