پوليسەيلەر ۋاقىتشا تىركەۋگە قاتىستى جاڭا ەرەجەرلەر جايلى ايتتى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

الماتى قالالىق ءىىد كوشى-قون پوليسياسىنىڭ مالىمەتىنشە، 12 شىلدەدە تۇرعىنداردى تۇرعىلىقتى جەرى بويىنشا ۋاقىتشا تىركەۋ ەرەجەسىنە وزگەرىس ەنگىزىلدى.

ميگرانتتار «حالىقتى تىركەۋ جانە قۇجات راسىمدەۋ» پۋنكى بويىنشا تۇرعىلىقتى جەرى جانە ۋاقىتشا تۇراتىن جەرى بويىنشا تىركەۋدەن ءوتۋ كەرەك. بۇعان دەيىن ءۇش ايدان استام تۇراتىن بولسا تۇرعىن سول جەرگە ءوز وتىنىشىمەن تىركەۋگە تۇراتىن ەدى.

«ەگەر ازامات ءبىر ايدان اسا ۋاقىت تۇراتىن بولسا نەمەسە ءۇيدى جالعا السا ول 10 جۇمىس كۇنى ىشىندە ىشكى ىستەر ورگانىنا ەسەپكە تۇرۋ كەرەك. ول مۇنداي جاعدايدا تۇرعىلىقتى جەرىنەن تىركەۋدەن شىقپايدى. ەگەر ازامات تۋىسىنىڭ ۇيىنە 1 ايعا دەيىنگى ۋاقىت ارالىعىندا بولسا، سول جەرگە تىركەلۋدىڭ كاجەتى جوق»، – دەيدى الماتى قالاسى ءىىد كوشى قون پوليسيا باسقارماسىنىڭ قۇجات راسىمدەۋ جانە حالىقتى تىركەۋ ءبولىمىنىڭ باسشىسى ايكەن قاسىموۆا.

ونىڭ ايتۋىنشا، جەرگىلىكتى جەرى بويىنشا تىركەلۋ ۋاقىتشا تىركەۋ بولىپ سانالادى. ونىڭ مەرزىمى 1 ايدان 1 جىلعا دەيىن. ال ميگرانتتاردىڭ ءىس-ساپار، وقۋ، ءىس تاجىريبە ءۇشىن ايعاقتايتىن قاعازى كەرەك. ول 4 جىلعا دەيىن جارامدى. ۆاحتالىق جۇمىس ىستەيتىندەر مەن ەمدەلۋشىلەر، دەنساۋلىعى سىر بەرگەن جاندار، 16 جاسقا تولماعاندار جەرگىلىكتى جەرى بويىنشا ۋاقىتشا تىركەلۋگە مىندەتتى ەمەس.

ازاماتتار قالانىڭ كەز كەلگەن حالىققا قىزمەت كورسەتۋ ورتالىعىنا بارا الادى. انكەتالىق مالىمەتتەرىن وزگەرتكەندەر مەن 16 جاسقا تولماعاندار تۇرعىلىقتى مەكەن-جايى بويىنشا حالىققا قىزمەت كورسەتۋ ورتالىقتارىنا جۇگىنەدى.