«استانا ارلاندارى» ەكىنشى جەڭىسكە قول جەتكىزدى دەپ حابارلايدى Qamshy.kz.

استانا قالاسىنداعى «قازاقستان» سپورت كەشەنىندە «استانا ارلاندارى» مەن «كۋبا دومادورەس» كوماندالارى اراسىندا بۇكىل الەمدىك بوكس سەرياسى WSB جوباسىنىڭ VII ماۋسىمنىڭ فينالدىق جەكپە-جەگى ءوتىپ جاتىر.

56 كەلى سالماقتاعى ءىلياس سۇلەيمەنوۆ قارسىلاسى حاۆەريبانەستى 48:47. 48:47. 48:47 ۇپاي سانىمەن جەڭدى. 

باسەكەنىڭ العاشقى وينىندا يوحانۋس ارگيلاگوسپەن قولعاپ تۇيىستىرگەن تەمىرتاس ءجۇسۋپوۆ 5 راۋندتىق باسەكەدە ۇپاي سانىمەن قارسىلاسىنان باسىم تۇسكەن بولاتىن.

قازاق جۇرتى كوز تىككەن ايتۋلى دودادا ەل نامىسىن قورعايتىن كەلەسى جەكپە-جەكتە

52 كەلى، ولجاس ساتتىبايەۆ – يوسباني ۆەيتيا

60 كەلى، زاكير سافيۋللين – لازارو الۆارەس

64 كەلى، ءدىلمۇرات ميجيتوۆ – ەندي كرۋز

69 كەلى، اسلانبەك شىمبەرگەنوۆ – رونەل يگلەسياس

75 كەلى، ءابىلحان امانقۇل – ارەن لوپەس

81 كەلى، ارمان رىسبەك – حۋليو لا كرۋس

91 كەلى، انتون پينچۋك – ەريسلاندي ساۆون

91 كەلىدەن جوعارى، ولجاس بۇقايەۆ – يواندري تويراك

نۇرسۇلتان امانجولۆ رەزەرۆتە شىعادى.

ايتا كەتسەك، Qamshy.kz ءتىلشىسى جاتتىعۋ زالىنا ءجيى بارىپ، «استانا ارلاندارىنىڭ» تارتىستى جەكپە-جەككە دايىندىعىن باقىلاعان بولاتىن.  سونداي-اق، «استانا ارلاندارىنىڭ» باس باپكەرى نۇرلان اقۇرپەكوۆتىڭ اقتىق ايقاسقا دايىندىعى تۋرالى سۇحبات جاريالانعان ەدى.

ءبىر ايتا كەتەرلىگى كۋبالىقتار بۇل فينالعا كىلەڭ وليمپيادا، الەم چەمپيوندارىن، تەك قانا ءبىرىنشى نومەرلى بوكسشىلارىن اكەلگەن. ال «استانا ارلاندارى» كومانداسى ەكىنشى، ءۇشىنشى، ءتورتىنشى نومەرلى بوكسشىلاردان قۇرالسا دا وزبەكستان، رەسەي، ءازىربايجان، جۇڭگو، انگليا سياقتى ەلدەردىڭ تەك قانا ءبىرىنشى نومەرلى بوكسشىلارىن جەڭىپ، فينالعا جەتكەن.

كاسىپقوي بوكستا قازاقتىڭ تۋىن جەدبىرەتىپ جۇرگەن جىگىتتەر مەيىرىم نۇرسۇلتانوۆ، ماديار اشكەيەۆ جانە اسحات ۋاليحانوۆ بۇكىلالەمدىك بوكس سەرياسىنىڭ WSB جوباسى بويىنشا فينالعا شىققان «Astana Arlans» بوكسشىلارىنا ساتتىلىك تىلەگەن ەدى.