«استانا ارلاندارى» «كۋبا دومادورەس» اراسىنداعى ونىنشى جەكپە-جەك وتە تارتىستى ءوتتى دەپ جازادى Qamshy.kz.

وليمپيادا چەمپيونى رەينەر يگلەزياس سوتولونگومەن الاڭعا سوڭعى بولىپ شىققان اسلانبەك شىمبەرگەنوۆ ەسەپتىڭ باسىن تەڭەستىردى.

استانا قالاسىنداعى «قازاقستان» سپورت كەشەنىندە «استانا ارلاندارى» مەن «كۋبا دومادورەس» كوماندالارى اراسىنداعى توعىزىنشى ايقاس 60 كەلىدە كورەرمەندەردىڭ كوڭىلىنەن شىعىپ جۇرگەن جاس باتىر زاكىر سافيۋللين بۇعان دەيىن الداعى قارسىلاسى بولعان كۋبالىق لازارو الۆارەس ەسترادامەن ءتۇستى.

جالپى ون ايقاستا قازاقتار 5 كە 5 ۇپايمەن ەسەپتى تەڭەستىردى. جەڭىس ەنشىلەگەن ءتورت جەكپە-جەك — باسەكەنىڭ العاشقى وينىندا يوحانۋس ارگيلاگوسپەن قولعاپ تۇيىستىرگەن 49 كەلى سالماقتاعى تەمىرتاس ءجۇسۋپوۆءتىڭ، 56 كەلى سالماقتاعى حاۆەر يبانەستى جەڭگەن ءىلياس سۇلەيمەنوۆتءىڭ، اۋىر سالماقتا تويراكتى جەڭگەن ولجاس بۇقايەۆتىڭ جانە لازارو الۆارەس ەسترادامەن تۇسكەن زاكىر سافيۋلليننىڭ ەنشىسىندە.  

الايدا 91 كەلى اۋىر سالماقتا انتون پينچۋك – ەريسلاندي ساۆونمەن شارشى الاڭعا شىعىپ، قارسىلاسىنا ەسە جىبەرسە ، ءتورتىنشى بولىپ الاڭعا 64 كەلى سالماقتا ەندي كرۋزعا قارسى ءدىلمۇرات ميجيتوۆ قارسىلاسىنا ەسە جىبەرگەن ەدى. بەسىنشى بولىپ الاڭعا 75 كەلى سالماقتا شىققان ءابىلحان امانقۇل دا ۇپاي سانىمەن ارەن لوپەستەن جەڭىلىس تاپقان. ال، لا كرۋسپەن التىنشى بولىپ الاڭعا شىققان ارمان ىرىسبەك تە قازاق قۇراماسى قورجىنىنا جەڭىس سىيلاي المادى. جەتىنشى باسەكەدە ولجاس ساتتىبايەۆ يوسباني ۆەيتياعا قارسى تۇرا الماي قالدى.

ەستەرىڭىزگە سالايىق، سپورت دوداسى بۇكىل الەمدىك بوكس سەرياسى WSB جوباسىنىڭ VII ماۋسىمنىڭ فينالدىق جەكپە-جەگى بولىپ تابىلادى.