تانىمال HBO تەلەارناسىنىڭ ساراپشىسى ءارى مامانى حارولد لەدەرمان ورتا سالماقتا WBA،WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەنناديي گولوۆكين  مەن مەكسيكالىق ساۋل  الۆارەس اراسىنداعى جەكپە-جەك تۋرالى ءوز  ويىن ءبولىستى  دەپ حابارلايدى Qamshy.kz  اقپارات اگەنتتىگى شەتەلدىك باق-قا سىلتەمە جاساي وتىرىپ.

«بۇل ەرەكشە  جەكپە-جەك بولادى. مەن كىمنىڭ جەڭەتىنىن بىلمەيمىن، ءبىراق وسى جەكپە-جەك ءسوزسىز تاماشا  بولاتىنى انىق. مەنىڭ ءفاۆوريتىم - گولوۆكين، سەبەبى ول ءىرى ءارى تاجىريبەلى بوكسشى.گولوۆكيننىڭ كۇشى كوپ. ءبىراق ول دەنني دجەيكوبسپەن شىققان كەزدە ءسال السىزدەۋ جانە قارتايعان بولىپ كورىندى. ۋاقىت ءوز دەگەنىن جاسايدى. سىزدەر وزدەرىڭىز بىلەسىزدەر. گولوۆكين ءبىرىنشى رەت قيىندىقتارعا تاپ بولعان سەكىلدى. گولوۆكين ءاردايىم قورقىنىش ۇيالاتىپ، ۇرەي تۋدىراتىن. داۆيد لەمەنى، گابريەل روسادونى قالاي سۇلاتقانى ەستەرىڭىز مە؟ ءبىراق دجەيكوبسپەن كەزدەسۋىندە  قيىندىقتار بولدى. مەنىڭشە، بۇل جاس مولشەرى. ءبىر جاعىنان "كانەلو" چاۆەسپەن شىققان جەكپە-جەكتە ءوزىن جاقسى كورسەتە المادى. ءبىز ءبارىمىز گولوۆكيندى جاقسى كورەمىز، ءبىراق ونىڭ جەڭەتىنىنە بۇرىنعىداعىداي سەنىمدى ەمەسپىز. گولوۆكين بىزگە جاقىن بولىپ كەتتى. ەگەر كەزدەسۋ 12 راۋندقا سوزىلسا، بارلىعى ريەۆانش سۇرايتىن بولادى. مۇمكىن بۇل تريلوگيا بولۋى دا مۇمكىن»، - دەدى  حارولد لەدەرمان