قازاقستان رەسپۋبليكاسىنىڭ پرەزيدەنتى اكىمشىلىگىنىڭ كەلىسىمىمەن الماتى قالاسى اكىمىنىڭ ورىنباسارى بولىپ مۇرات دارىبايەۆ تاعايىندالدى، دەپ حابارلايدى Qamshy.kz اقپارات اگەنتتىگى.  بۇل جايىندا قالالىق اكىمدىكتىڭ باسپا ءسوز قىزمەتى ءمالىم ەتتى.

بۇعان دەيىن اكىمنىڭ ورىنباسارى بولعان رۋميل تاۋفيكوۆ باسقا جۇمىسقا اۋىسادى. الماتى اكىمى باۋىرجان بايبەك رۋميل تاۋفيكوۆكە اتقارعان جۇمىسى ءۇشىن العىسىن ءبىلدىردى، كەيىن بەلگىلى بولاتىن جاڭا قىزمەتىنە تابىس تىلەدى. اتاپ وتەرلىك جايت، رۋميل تاۋفيكوۆ جولاۋشى كولىگى جانە اۆتوموبيل جولدارى باسقارماسىنا باسشىلىق جاساي وتىرىپ، قالانىڭ كولىك قۇرىلىمىن رەفورمالاۋدى بەلسەندى جۇرگىزدى، جالاقى جونىندەگى قارىزدى 1 ملرد. تەڭگەگە ازايتىپ، جۇمىسپەن قامتۋ جانە ميگراسيا ماسەلەسىمەن اينالىستى.

توتەنشە جاعدايلار دەپارتامەنتىمەن بىرگە توتەنشە جاعدايلاردىڭ الدىن الۋ جانە جويۋ، مورەندى كولدەردىڭ تايازدانۋىن بولدىرماۋ بارىسىندا قوماقتى جۇمىستار جۇرگىزدى؛ حالىقتى جۇمىسپەن قامتۋ جانە الەۋمەتتىك باعدارلامالاردى جۇزەگە اسىرۋ بويىنشا ۇتىمدى شەشىمدەر قابىلدادى؛ دەنساۋلىق ساقتاۋ باسقارماسىنا باسشىلىق جاساي وتىرىپ، مىندەتتى مەديسينالىق ساقتاندىرۋ جۇيەسىن ەنگىزۋگە زور ىقپال ەتتى. الماتى اكىمىنىڭ جاڭا ورىنباسارى بولىپ بۇعان دەيىن «الماتى» الەۋمەتتىك-كاسىپكەرلىك» ۇك» اق-ى باسقارماسىنىڭ ءتوراعاسى قىزمەتىن اتقارعان مۇرات دارىبايەۆ تاعايىندالدى.

مۇرات دارىبايەۆ  ماماندىعى بويىنشا ينجەنەر-قۇرىلىسشى، ەكونوميست، الماتى اۆتوجول ينستيتۋتى مەن ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن تامامداعان. ءتۇرلى جىلدارى قوستاناي وبلىسى اكىمىنىڭ ورىنباسارى، ق ر پرەزيدەنتى اكىمشىلىگىنىڭ مەملەكەتتىك ينسپەكتورى، ق ر يندۋستريا جانە ساۋدا مينيسترلىگىنىڭ ونەركاسىپ كوميتەتىنىڭ ءتوراعاسى، ق ر پرەزيدەنتى اكىمشىلىگى الەۋمەتتىك-ەكونوميكالىق ساراپتاما ءبولىمى مەڭگەرۋشىسىنىڭ ورىنباسارى، «بۇركىت» مەملەكەتتىك اۆياكومپانيا» رمك ديرەكتورىنىڭ ءبىرىنشى ورىنباسارى، ق ر پرەزيدەنتى اكىمشىلىگىنىڭ قاۋىپسىزدىك كەڭەسى حاتشىلىعىنىڭ باس ينسپەكتورى، اپپارات باسشىسى، ق ر يندۋستريا جانە ساۋدا مينيسترلىگى كاسىپكەرلىكتى دامىتۋ دەپارتامەنتىنىڭ ديرەكتورى، ق ر تابيعي مونوپوليالاردى رەتتەۋ جونىندەگى اگەنتتىكتىڭ كولىكتى رەتتەۋ جانە تەلەكوممۋنيكاسيا جونىندەگى دەپارتامەنت ديرەكتورى، ق ر يندۋستريا جانە ساۋدا مينيسترلىگى شاعىن بيزنەستى قولداۋ جونىندەگى كوميتەت ءتوراعاسىنىڭ ورىنباسارى، ق ر پرەزيدەنتى اكىمشىلىگى الەۋمەتتىك-ەكونوميكالىق ساراپتاما ءبولىمىنىڭ سەكتور مەڭگەرۋشىسى جانە باسقا دا قىزمەتتەردى اتقاردى.

اتاپ وتەرلىك جايت، مۇرات دارىبايەۆتىڭ باسشىلىعىمەن «الماتى» الەۋمەتتىك-كاسىپكەرلىك» ۇك» اق-ى 2016 جىلدىڭ قورىتىندىسى بويىنشا العاش رەت 3،4 ملرد تەڭگە كولەمىندە پايداعا قول جەتكىزدى. سوڭعى جىلى 423،8 ملن. تەڭگە سالىق تولەندى، ال 2015 جىلى تولەنگەنى نەبارى 41،7 ملن. تەڭگە بولاتىن. اكك-نىڭ 2017 جىلعى العاشقى جارتى جىلدىعىنىڭ قارجى-ەكونوميكالىق قىزمەتىنىڭ الدىن الا جاسالعان قورىتىندىسى بويىنشا 611،4 ملن. تەڭگە كولەمىندە تابىس تۇسكەن، ال بۇعان ۇتىمدى باسشىلىقتىڭ ارقاسىندا قول جەتتى. سوڭعى 2 جىل ىشىندە اكك ەكولوگيا (اۆتوترانسپورتتى گازعا كوشىرۋ)، جول قاۋىپسىزدىگىن قامتاماسىز (كامەرالار) ەتۋ، اباتتاندىرۋ جانە باسقا ماسەلەلەر بويىنشا ينۆەستيسيالىق جوبالاردى بەلسەندى تۇردە جۇزەگە اسىردى.