ق ر سىرتقى ىستەر مينيسترلىگىنىڭ باسپا ءسوز حاتشىسى ءانۋار جايناقوۆ قازاقستاندىق 2 مىڭعا جۋىق ازاماتتىڭ تۇركيا اۋماعىنا وتۋىنە تىيىم سالۋىنا قاتىستى تۇسىنىك بەردى، دەپ حابارلايدى Qamshy.kz اقپارات اگەنتتىگى.

«بۇگىن تۇركياداعى قازاقستان ەلشىلىگىندەگى ارىپتەستەرىمىز ماعان باق-تا جاريا ەتىلگەن اقپاراتتىڭ ءبىرشاما قاتە ەكەندىگىن حابارلادى. سوندىقتان سىزدەرگە تۇسىندىرگىم كەلەدى. ءبىزدىڭ مالىمەتكە سايكەس، تۇركيا ىشكى ىستەر مينيسترلىگى «تۇركيا دايش-پەن كۇرەستە» دەپ اتالاتىن كىتاپتى جاريا ەتكەن. اتالعان كىتاپتا تۇرىك بيلىگىنىڭ اتالعان لاڭكەستىك ۇيىممەن كۇرەستە قانداي ءتۇرلى شارالار وتكىزەتىندىگى كەلتىرىلگەن. كىتاپتىڭ سوڭىندا 2011 مەن 2017 جىلدىڭ ارالىعىندا اتالعان لاڭكەستىك ۇيىمعا قاتىسى بار دەگەن ايىپپەن نەمەسە كۇدىكپەن ۇستالعان ءتۇرلى ەلدەردىڭ ازاماتتارىنىڭ سانى كەلتىرىلگەن. ونىڭ ىشىندە قازاقستان، رەسەي، فرانسيا، ساۋد ارابياسى جانە باسقا دا ەلدەردىڭ ازاماتتارى بار. بۇل ازاماتتار  بۇگىندە ەلدەرىنە ورالعان دا شىعار. قازاقستان ازاماتتارى 1 900-دەن اسىپ جىعىلادى»، - دەدى ءانۋار جايناقوۆ.

تۇركيا ىشكى ىستەر مينيسترلىگىنىڭ دايش-پەن جۇرگىزگەن كۇرەس جونىندەگى بايانداماسىندا اتالعان ۇيىمنىڭ ساپىندا جۇرگەن 1 914 قازاقستاندىقتىڭ بار ەكەندىگى ايتىلعانىن حابارلاعان ەدىك.