ورتالىق كوممۋنيكاسيالار قىزمەتىندە 2017  جىلى شىلدە ايىندا «مەنىڭ ارمانىم» اتتى الەۋمەتتىك ماڭىزى بار جوبالاردىڭ ۇلتتىق بايقاۋىنىڭ باستالۋىنا ارنالعان باسپا ءسوز كونفەرەنسيا ءوتتى دەپ حابارلايدى Qamshy.kz اقپارات اگەنتتىگى.

باسپا ءسوز كونفەرەنسياعا ق ر بعم عىلىم كوميتەتىنىڭ ءتوراعاسى بولاتبەك ابدراسيلوۆ، «رۋحاني جاڭعىرۋ» جوبا باسقارماسىنىڭ باستىعى ارمان ەۆنييەۆ، «SUCCESS K» ستراتەگيالىق بايلانىستار جونىندەگى اگەنتتىگىنىڭ باس ديرەكتورى ءلاززات كوككوزوۆا قاتىستى.

«مەنىڭ ارمانىم» بايقاۋى ەڭ قىزىق، بىرەگەي الەۋمەتتىك ماڭىزى بار جانە جاس جاڭاشىلداردىڭ جالپىعا پايدالى باستامالارىن انىقتايدى جانە دە ولاردىڭ الەۋمەتتىك بەلسەندىلىگى مەن الەۋمەتتىك-شىعارماشىلىق قابىلەتتەرىنىڭ دامۋىن دارىپتەپ، قاتىسۋشىلاردىڭ زياتكەرلىك الەۋەتىن جەتىلدىرۋگە مۇمكىندىك جاسايدى»، - دەپ  ب. ابدراسيلوۆ اتاپ ءوتتى.

بۇل جوبا  ن.ءا. نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭدا كورسەتىلگەن يدەيانىڭ ءىس جۇزىندە ىسكە اسىرۋى بولىپ تابىلادى جانە دە «رۋحاني جاڭعىرۋ» باعدارلاماسىنىڭ قولداۋىمەن وتكىزىلەدى. بايقاۋدىڭ ۇيىمداستىرۋشىسى – «SUCCESS K» ستراتەگيالىق كوممۋنيكاسيالار اگەنتتىگى.

بايقاۋدىڭ باسقا دا ماقساتى سىني ويلاۋ فيلوسوفياسىن دارىپتەۋگە باعىتتالعان ءبىلىم بەرۋ ۇدەرىستەرىنە جاردەمدەسۋ: قازىرگى زاماندى تولىق ۇعىنۋ، ماسەلەنى شەشۋدەگى بالاما جولداردى كورۋ، جاڭا يدەيالاردى ۇسىنۋ قابىلەتى، ستەرەوتيپتەردى ەڭسەرۋ، وزگەلەردىڭ وي-پىكىرىن دۇرىس باعالاۋ جانە دە ءوز ۇستانىمىن دالەلدى جاقتاۋ بولىپ تابىلدى. 

بايقاۋعا 14 پەن 29 جاس اراسىنداعى قازاقستاندىقتار: ورتا مەكتەپتىڭ جوعارعى سىنىپ وقۋشىلارى، كوللەدج پەن پروفتەحنيكالىق مەكتەپ وقۋشىلارى، ۇكىمەتتىك ەمەس ۇيىمدار وكىلدەرى، جوو-نىڭ ستۋدەنتتەرى، جاس جاڭاشىلدار قاتىسا الادى.

قاتىسۋعا وتىنىمدەر 20 شىلدە مەن  1 قىركۇيەك ارالىعىندا بايقاۋدىڭ رەسمي سايتىندا www.meninarmanym.kz   قابىلدانادى. بايقاۋعا قاتىسۋ اقىسىز. جوبالاردى اقپاراتتىق (IT)،  ءبىلىم، تەحنولوگيالىق، ەكولوگيا جانە الەۋمەتتىك-مادەنيەت باعىتتارى بويىنشا ۇسىنۋعا بولادى. بايقاۋدىڭ جەڭىمپازى قارجىلىق تۇراقتىلىعى مەن تاۋەلسىزدىلىگىن كەپىلدەي الاتىن، ءبىرتۋما، پايدالى الەۋمەتتىك جوبا بولادى. 

«مەنىڭ ارمانىم»  بايقاۋىنىڭ اقتىق كەزەڭى تەلەديدارلىق الەۋمەتتىك- زياتكەرلىك شوۋدان تۇراتىن بولادى. اقتىق جارىسقا قاتىسۋعا  ەڭ ۇزدىك 64 جوبانىڭ اۆتورى استانا قالاسىندا  جينالادى. جوبالاردى قازاقتان رەسپۋبليكاسىنىڭ ايگىلى قوعام قايراتكەرلەرى، ساياساتكەرلەرى مەن كاسىپكەرلەرىنەن قۇرالعان قازىلار القاسى باعالايتىن بولادى.  «مەنىڭ ارمانىم»  جاستار اراسىنداعى الەۋمەتتىك جوبالار ۇلتتىق بايقاۋىنىڭ  جەڭىمپازى 5 000 000 تەنگەنى يەلەنەدى.