مەملەكەت باسشىسىنىڭ جارلىعىمەن «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنا سايكەس قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ادىلبەك رىسكەلدى ۇلى جاقسىبەكوۆتىڭ وكىلەتتىگى زەينەتكەرلىك جاسقا تولعان كۇننەن باستاپ 2022 جىلعى 26 شىلدەنى قوسا العانداعى مەرزىمگە دەيىن ۇزارتىلدى دەپ حابارلايدى Qamshy.kz اقپارات اگەنتىگى قازاقستان رەسپۋبليكاسى پرەزيدەنتىنىڭ رەسمي سايتىنا سىلتەمە جاساي وتىرىپ.
جاڭا جارلىققا ساي 62 جاستاعى ادىلبەك جاقسىبەكوۆ بۇل قىزمەتتە زەينەتكەرلىككە شىققانعا دەيىن ىستەيدى.
ايتا كەتسەك، ادىلبەك جاقسىبەكوۆ 2004-2008 جىلدارى پرەزيدەنت اكىمشىلىگىنىڭ باسشىسى بولعان. ول استانا قالاسىنىڭ اكىمى، قازاقستاننىڭ رەسەيدەگى ەلشىسى، قورعانىس ءمينيسترى، بيلىكتەگى "نۇر وتان" پارتياسى ءتوراعاسىنىڭ ءبىرىنشى ورىنباسارى قىزمەتتەرىن اتقاردى.
