ءازىربايجاندا بۇدان بىلاي جابىق عيمارات ىشىندە جانە قوعامدىق ورىنداردا مۇلدەم شىلىم شەگۋگە بولمايدى. ءقازىر ەلدە وسى ماقساتتا ارنايى زاڭ ازىرلەنىپ  جاتىر، دەپ حابارلايدى Qamshy.kz اقپارات اگەنتتىگى 24 حابار مالىمەتىنە سۇيەنىپ. 

جاقىن ارادا ءازىربايجاندا ارنايى تەمەكى شەگەتىن ورىن ازايادى. باستى سەبەپ جاڭادان قابىلدانعان زاڭ بولىپ تۇر. دەپۋتاتتاردىڭ ويىنشا ەندى كوپتەگەن جەر تەمەكى تۇتىنىنەن تازا بولادى. مۇنداي ارنايى زاڭ ءازىربايجاندا العاش رەت قابىلدانىپ وتىر.

پارلامەنت دەپۋتاتى مۇسا گۋلييەۆتىڭ ايتۋىنشا، تەمەكىگە قارسى زاڭ پارلامەنتتىڭ ەكىنشى وتىرىسىندا قابىلداندى. ەندى كۇزدەگى سەسسيادا حالىق قالاۋلىلارى قاۋلىنى قابىلداپ، جىل سوڭىنا دەيىن ءىس جۇزىنە ەنگىزەدى. زاڭنامانىڭ باستى ماقساتى - بالالاردى تەمەكى تۇتىنىنەن قورعاۋ.

سونىمەن قاتار، جابىق كەڭسەلەردىڭ بارلىعىندا ەندى حور-حور مەن ەلەكتروندى تەمەكىنى دە تارتۋعا تيىم سالىنادى. وسىعان دەيىنگى زاڭنامادا مەيرامحانا، كافەلەردە تەمەكى شەگە بەرۋگە بولادى دەلىنگەن. ەندى جاڭا زاڭ مۇنىڭ بارلىعىن جوققا شىعارادى. ەگەر ءتارتىپ بۇزىلعان جاعدايلار تىركەلسە، مىندەتتى تۇردە ايىپپۇل سالىنادى.