اقمولا وبلىسىندا جىل باسىنان بەرى قورشاعان ورتانى قورعاۋ بويىنشا 5 مىڭنان استام زاڭ بۇزۋ دەرەگى انىقتالعان دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرىپ. ولاردىڭ 39-ى قىلمىستىق ءىس رەتىندە قارالىپ، تيىسىنشە جازا قولدانىلعان. ال 300-گە جۋىق ادام زاڭسىز اڭ اۋلاعانى ءۇشىن اكىمشىلىك جاۋاپكەرشىلىككە تارتىلىپ وتىر. پوليسەيلەر براكونەرلەردەن 200 كەلىدەن استام بالىق تاركىلەپتى. ودان بولەك دالا جانۋارلارىنا دا زيان كەلتىرگەندەر دە از ەمەس. ايتا كەتەيىك، 2015 جىلدان باستاپ، زاڭسىز بالىق جانە اڭ اۋلاعاندارعا جازا كۇشەيتىلدى.
زاڭ بۇزعاندار ءقازىر ءۇش ءجۇز ايلىق ەسەپتىك كورسەتكىش كولەمىندە ايىپپۇل تولەيدى نەمەسە 70 تاۋلىككە تەمىر تورعا توعىتىلادى. ال وتە سيرەك كەزدەسەتىن اڭدى اۋلاعاندارعا 6 ملن تەڭگەدەن استام ايىپپۇل سالىنادى نەمەسە باس بوستاندىعىنان ايىرادى.
