«QAZAQ» دەگەن لاقاپ اتپەن بوكس الەمىندە ءوز مىقتىلىعىن كورسەتىپ جۇرگەن، ءبىرىنشى ورتا سالماقتاعى WBO NABO جانە WBA Inter-Continental تۇجىرىمدارى بويىنشا الەم چەمپيونى قانات «QAZAQ» يسلام (24-0، 19 كو) 9 قىركۇيەك كۇنى استانا قالاسىندا كانادالىق برەندون كۋككە قارسى وتكىزەتىن كەزدەسۋى جايلى ايتتى، دەپ حابارلايدى Qamsy.kz اقپارات اگەنتتىگى.

كۇللى قازاق جۇرتى اسىعا كۇتكەن بۇل كەزدەسۋى جايلى ول: «قىركۇيەكتە استانادا وتەتىن جەكپە-جەگىمدە كانادالىق بوكسشى برەندون كۋكپەن جۇدىرىقتاساتىن بولدىم. قارسىلاستىڭ وسالى بولمايدى. سوندىقتان دايىندىقتى بارىنشا كۇشەيتۋگە بەت بۇردىم. قازىرگى تاڭدا ايقاسقا دايىندىقتى باستاپ كەتتىم. ءساتىن سالسا، الاتاۋ بوكتەرىندە تامىزدىڭ ورتاسىنا دەيىن جاتتىعۋىمدى جالعاستىرامىن. ارى قاراي سوڭعى دايىندىقتى ەلوردا تورىندە وتكىزەمىن. بۇل ەل ەسىندە قالاتىن قىزىقتى كەزدەسۋ بولادى دەگەن ۇمىتتەمىن»، – دەدى.

ەستەرىڭىزگە سالا كەتەيىك، قانات يسلام جانە برەندون كۋك اراسىنداعى جەكپە-جەك 9 قىركۇيەكتە استانادا وتەدى. «QAZAQ-تىڭ» قارسىلاسى 31 جاستاعى كانادالىق بوكسشى كاسىپقوي بوكستا 18 جەكپە-جەك وتكىزىپ، بارلىعىندا جەڭىسكە جەتكەن. 11 كەزدەسۋىن ۋاقىتىنان بۇرىن اياقتاعان. سوڭعى جەكپە-جەگىن ول وتانداسى ستيۆەن باتلەرگە قارسى وتكىزىپ، نوكاۋتپەن جەڭگەن ەدى.