الماتىنىڭ باراحولكا بازارىندا تاعى ءبىر كىشىگىرىم ولقىلىقتىڭ بەتى اشىلدى. كىشكەنتاي كەزىمىزدەن ءسۇيىپ ىشەتىن سالقىن كوجەنى ساتىپ الماس بۇرىن، ونىڭ قالاي جاسالعاندىعىنا كوڭىل بولگەن دۇرىس، دەپ حابارلايدى Qamshy.kz اقپارات اگەنتتىگى.

باراحولكا بازارىندا كوجە ساتاتىن الماتى تۇرعىنىنىڭ ىس-ارەكەتىنە كۋا بولعان ءلاززات توقمولدايەۆا ەسىمدى الەۋمەتتىك جەلى قولدانۋشىسى ءوزىنىڭ جەكە پاراقشاسىندا كورگەن وقيعاسى جايىندا پوست جازدى.

"باراحولكا دارەتحاناسىنا كىرىپ، مىنانداي كوزبوياۋشىلىقتىڭ كۋاسى بولدىم. ءبىر اپا قولىنداعى ۇلكەن قول دورباسىمەن كىردى دە، ىشىنەن ءبىر كىشىگىرىم دورباسىن شىعارىپ، ىشىندەگى پىسكەن ارپالارىن ءبىر شەلەككە سالدى.قايتەر ەكەن دەپ قاراپ قالدىم.الگى شەلەككە دارەتحاناداعى قول جۋاتىن شۇمەكتەن، قولىنداعى وجاۋىمەن سۋ تولتىرا باستادى. سونان سوڭ الگى شيكى سۋ قۇيىلعان سۋمەن، ارپانى ارلى بەرلى ارالاستىرىپ، ۇستىنە بوتەلكەلەردەگى ايراندارىن قۇيدى. سودان سوڭ، الگى قول دورباسىنان ارنايى مۇزداتىلعان ءبوتەلكەدەگى مۇزدارىن كىر قوجالاق بوتەلكەسىمەن شەلەگىنە سالدى دا، الگى كوجەسىن ساتۋعا شىعىپ كەتتى. بۇل نە ماسقارا. بىرىنشىدەن قايناتىلماعان دارەتحانانىڭ شيكى سۋى، ەكىنشىدەن سىرتى كىر قوجالاق بوتەلكەدەگى مۇز. سوندا بۇل قانداي كوجە. ونى ادامدار قىپ قىزىل اقشاسىنا ستاقانىن 100 تەڭگەدەن الىپ ىشەدى. ونىڭ ۇستىنە دارەتحانا تازا جەر ەمەس.ونداعى ىشەك قۇرت تاياقشالارى ادام اعزاسىنا تۇسكەن سوڭ، نە بولماق؟" - دەپ جازادى جەلى قولدانۋشىسى. 

كوجە ساتۋشىنىڭ بۇل ىسىنە قاتىستى الەۋمەتتىك جەلىدە تۇرلىشە پىكىرلەر ءبىلدىرىپ جاتىر. ءبىرى "تىرشىلىكتىڭ قامىمەن ءجۇر عوي" دەپ تۇسىنىستىك بىلدىرۋدە، دەگەنمەن الماتى تۇرعىنىنىڭ مۇنداي كوجەنى ساتىپ جاتقاندىعىنا نارازىلىق ءبىلدىرىپ، مۇنداي ولقىلىقتىڭ الدىن الۋ كەرەك دەگەن پىكىرلەر كوپتەپ كەزدەسەدى.