"قورعاس" شىحو اق اۋماعىندا استىرتىن جۇمىس ىستەگەن ويىنحانانىڭ ارەكەتىنە توسقاۋىل قويىلدى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ. بۇل جايىندا الماتى وبلىسى بويىنشا مكد ەكونوميكالىق تەرگەۋ قىزمەتىنىڭ وكىلى جاقسىلىق مىرزاحان مالىمدەدى.
"2017 جىلدىڭ 26 شىلدەسىندە الماتى وبلىسى بويىنشا مكد ەكونوميكالىق تەرگەۋ قىزمەتىنىڭ قىزمەتكەرلەرى "قورعاس" شىحو اۋماعىندا استىرتىن جۇمىس ىستەگەن ويىنحانانى اشكەرەلەدى"، - دەدى جاقسىلىق مىرزاحان.
جەدەل-تەرگەۋ شارالارى بارىسىندا الماتى وبلىسى پانفيلوۆ اۋدانى "قورعاس" شىحو اق اۋماعىنداعى ەكى قاباتتى عيماراتتا ازارتتىق ويىندارعا ارنالعان ارنايى ۇستەلدەر تابىلىپ، تاركىلەندى. قولما-قول اقشانى ەسەپتەيتىن 2 اپپارات، قولما-قول جاسالمايتىن تولەمدەرگە ارنالعان 3 POS-تەرمينال تابىلىپ، تاركىلەندى.
