اشحاباد پوليسياسى كوشەلەردە قايىر تىلەپ جۇرەتىن كىشكەنتاي بالالارعا قاتىستى تۇركىمەنستان استاناسىن تازارتۋ ىسىنە بەلسەنە كىرىسىپ كەتتى. سونىمەن قاتار، تۇركىمەنستاندا ءقازىر ونداي بالالاردى وتە كوپ كەزدەستىرۋگە بولادى ەكەن، دەپ حابارلايدى Qamshy.kz اقپارات اگەنتتىگى centralasian.org سايتىنا سىلتەمە جاساپ.
اشحاباد شولۋشىسى امانمىراد بۋگايەۆتىڭ ايتۋىنشا، قايىر تىلەپ جۇرگەن بالالار پوليسيا قىزمەتكەرلەرىنە ۇستالعان جاعدايدا العاشىندا ەسكەرتۋمەن شەكتەلەدى، كەيىننەن ولاردىڭ تۋىستارىنا ەسكەرتۋ جاسالادى.
اشحاباد پوليسيا دەپارتامەنتىندەگى كامەلەت جاسقا تولماعان بالالارعا قاتىستى ينسپەكسيا قىزمەتكەرىنىڭ ايتۋىنشا، بارىسىندا مۇگەدەك بالالاردى كوشەدە قايىر تىلەۋگە ماجبۇرلەۋ – زاڭمەن قۋدالانىپ، قىلمىستىق ءىس بولىپ تابىلادى.
اشحاباد تۇرعىندارى قازىرگى كەزدە كوشەدە قايىر سۇراپ جۇرگەن مۇگەدەك بالالار مەن ولاردى پوليسيا قىزمەتكەرلەرىنىڭ ۇستاپ جاتقان كەزدەرىن كۇن سايىن ءار كوشەلەر مەن جانارماي بەكەتتەرىندە كورۋگە بولاتىندىعىن ايتادى.
«كوشەدە اربا ورىندىقتا وتىرىپ، قايىر تىلەپ وتىرعان بالالار كەز كەلگەن ەلدىڭ ءيميدجىن قۇرتادى. ءبىزدىڭ نەگىزگى ماقساتىمىز – تۇركىمەنستان ەلىنىڭ رەپۋتاسياسىن قۇرتاتىن ادامدارمەن كۇرەسۋ»، – دەپ مالىمدەدى پوليسيا قىزمەتكەرى.
پىكىر قالدىرۋ