باتىستىڭ رەسەيگە قارسى سانكسيالارىنىڭ قازاقستانعا ەشقانداي دا قاتىسى جوق. دەگەنمەن، مەملەكەت كەز كەلگەن جاعدايعا دايىن، –دەپ مالىمدەدى ۇلتتىق ەكونوميكا ءمينيسترى تيمۋر سۇلەيمەنوۆ، دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساي وتىرىپ.
«كەز كەلگەن جاعدايعا دايىن بولۋ قاجەت، الايدا ءبىز اسىرا سىلتەگىمىز كەلمەيدى. مينيسترلىك تاراپى ۇلتتىق بانك پەن قارجى مينيسترلىگىن قوسا ايتار بولساق، ءبىز بارلىعىنا دا دايىنبىز. سونىمەن قاتار، بۇل وقيعانى قانداي دا ءبىر وقىس وقيعا دەي المايمىز. ءبىزدىڭ ويىمىزشا، بۇل جاعدايعا قالىپتى تۇردە قاراۋ كەرەك. مىسالى، مۇناي نەمەسە مەتالل باعاسىنىڭ كوتەرىلۋى نەمەسە قۇلدىراۋى، سەرىكتەس مەملەكەتىمىزدىڭ ەكونوميكاسىنىڭ دامۋى نەمەسە قۇردىمعا كەتۋى دەگەن سياقتى وقيعالار قالاي اسەر ەتسە، بۇل جاعداي دا ءدال سولاي اسەر ەتەدى. ەلدەگى احۋالدى كۇرت وزگەرتىپ جىبەرەرلىكتەي وقىس وقيعا كورىپ تۇرعانىم جوق»، – دەپ مالىمدەدى مينيستر.
سونىمەن قاتار، تيمۋر سۇلەيمەنوۆتىڭ ايتۋىنشا، ۇزاق مەرزىمدى سانكسيالار رەسەيدىڭ ەكونوميكاسىن ەداۋىر اسەر ەتەرى انىق جانە دە ەاەق قۇرىلتايشىسى رەتىندە قازاقستاننىڭ دا ەكونوميكاسىنا اسەر ەتۋى مۇمكىن.
«قۇبىرعا قاتىستى سۇراق كوتەرىلگەن بولاتىن. مۇحيتتارمەن، اسىرەسە، نوۆوروسسييسك تەڭىزدەرىمەن ءبىزدىڭ مۇنايىمىزدى جالعاپ وتىرعان قۇبىرلار سانكسيادا تىركەلمەگەن. كتك ينۆەستورلارى بولىپ تابىلاتىن Chevron سەكىلدى امەريكالىق ءىرى كومپانيالار وزدەرىنىڭ ءترانزيتتى قۇبىرلارى سانكسياعا تىركەلمەۋىن ءجىتى قاداعالاپ، وعان جول بەرمەگەن. ياعني، بۇل تۇرعىدا ءبىزدىڭ جەرگىلىكتى نارىقتارعا مۇناي جەتكىزۋىمىزدە ەشقانداي دا كەرى اسەرى بولمايدى»، – دەپ ايتىپ ءوتتى.
ەستەرىڭىزگە سالا كەتسەك، ەلباسى نۇرسۇلتان نازاربايەۆ رەسەيگە قارسى باتىس سانكسيالارىنىڭ قازاقستانعا تيگىزەر اسەرى جونىندە ايتىپ وتكەن بولاتىن.
«جاقسى ناتيجە كورسەتۋ ءۇشىن ءبىز جىلدىڭ سوڭىنا دەيىن ۇيىمشىلدىق تانىتىپ، قارقىندى جۇمىس ىستەۋىمىز كەرەك. ءبىرشاما ءقاۋىپتىڭ بار ەكەنى راس. ءبىزدىڭ ەنەرگەتيكالىق جانە شيكىزات ونىمدەرى ءبىراز شىعىنعا ۇشىراۋى مۇمكىن. رەسەيگە قارسى باتىس سانكسيالارىنىڭ قازاقستانعا دا اسەر ەتۋى ابدەن مۇمكىن. مۇنى دا ەستەن شىعارماعان ءجون»، – دەپ پرەمەر-مينيستر ساعىنتايەۆپەن كەزدەسۋ بارىسىندا نۇرسۇلتان نازاربايەۆ اتاپ ءوتتى.
پىكىر قالدىرۋ