2017 جىلعى 9 تامىز ساعات 11.00-دە قازاقستان رەسپۋبليكاسى ۇلتتىق مۋزەيىندە قازاقستاندىق سۋرەتشى كارىپبەك كۇيىكوۆتىڭ «رادياسيا» اتتى كورمەسى اشىلادى. ول – الەمدەگى انتيادرولىق قوزعالىستىڭ بەلسەندىسى، قازاقستاننىڭ باستاماشىلىعىمەن قۇرىلعان حالىقارالىق «اتوم» جوباسىنىڭ قۇرمەتتى ەلشىسى، دەپ جازادى Qamshy.kz اقپارات اگەنتتىگى ق ر ۇلتتىق مۇراجايىنىڭ باسپا ءسوز قىزمەتىنە سىلتەمە جاساپ.

كورمەنى قازاقستان رەسپۋبليكاسى سىرتقى ىستەر مينيسترلىگى ۇلتتىق مۋزەيمەن بىرلەسىپ ۇيىمداستىرۋدا.

قاراعاندىلىق سۋرەتشى  كارىپبەك كۇيىكوۆ قازاقستانداعى انتيادرولىق ۇستانىمىن ناسيحاتتاپ، بۇكىل الەمگە ەرەكشە تالانتىمەن تانىلعان تۇلعا.

كارىپبەك كۇيىكوۆ قاراعاندى وبلىسىنداعى سەمەي يادرولىق پوليگونىنان زارداپ شەككەن ەگىندىبۇلاق اۋىلىندا دۇنيەگە كەلدى. سول سەبەپتى قولى جوق بوپ تۋعان. ونىڭ سۋرەت سالۋى دا وزگەشە. قىلقالامدى تىسىمەن تىستەپ، كەيدە اياعىنىڭ باشپايلارى ارقىلى تۋىندىلارىن بەينەلەيدى.

ونىڭ ماڭىزدى تۋىندىسى «العاشقى جارىلىس» دەپ اتالادى. جانتۇرشىكتىرەر يادرو ساڭىراۋقۇلاعى اينالاسىنداعى دالانى كۇيدىرىپ اسپانعا كوتەرىلىپ بارادى، اسپان بولسا قاپ-قارا، جۇلدىزدار سۋىق... وسىلايشا كارىپبەك كۇيىكوۆ ءوزىنىڭ سۋرەتشىلىككە دەگەن قابىلەتىن ءتۇسىندى.

كارىپبەك كۇيىكوۆ امەريكا، جاپونيا، گەرمانيانىڭ جەكە جانە مەملەكەتتىك كوللەكسيالارىنا قويىلعان. ونىڭ كورمەلەرى جاپونيادا، اقش، گەرمانيا، تۇركيا، جۇڭگو جانە قازاقستاندا ۇيىمداستىرىلدى. كارىپبەكتىڭ كوركەم تۋىندىلارىنىڭ باستى تاقىرىبى يادرولىق قارۋدىڭ ادامزاتقا كەلتىرەر قاتەرىمەن بايلانىستى.

قازاقتان پرەزيدەنتى نۇرسۇلتان نازاربايەۆ 2016 جىلى يادرولىق قاۋىپسىزدىك جونىندەگى حالىقارالىق ساميتتە اقش پرەزيدەنتى باراك وبامامەن كەزدەسكەن كەزىندە وعان  ك. كۇيىكوۆتىڭ «جارىلىس» دەگەن كارتيناسىن سىيعا تارتقان بولاتىن. 

كورمەنىڭ اشىلۋ سالتاناتىنا ەلىمىزدىڭ تانىمال ساياسات جانە قوعام قايراتكەرلەرى، قازاقستان رەسپۋبليكاسى سىرتقى ىستەر مينيسترلىگىنىڭ، حالىقارالىق  «نيەۆادا-سەمەي» قوعامدىق قوزعالىسىنىڭ وكىلدەرى قاتىسادى. 

كورمە سۋرەتشى شىعارماشىلىعىنا ەشكىمدى نەمقۇرايلى قالدىرمايدى دەپ سەنەمىز.