قوستانايدا 11 ادامنان تۇراتىن ەسىرتكى مافياسىن ايەل ادام باسقارعان. قىلمىستىق توپ مۇشەلەرىن ايىپتاۋ بويىنشا قىلمىستىق ءىس مامانداندىرىلعان اۋدانارالىق سوتقا جونەلتىلدى، دەپ حابارلايدى Qamshy.kz اقپارات اگەنتتىگى قوستاناي وبلىستىق پروكۋراتۋراسىنىڭ باسپا ءسوز قىزمەتىنە سىلتەمە جاساي وتىرىپ.
اقپاراتقا سۇيەنسەك، قوستاناي جانە رۋدنىي قالاسىنىڭ 11 تۇرعىنى "ءىرى جانە اسا ءىرى كولەمدە ەسىرتكىلىك زاتتاردى ساتۋ ءۇشىن زاڭسىز ساتىپ الۋ، تاسىمالداۋ، ساقتاۋ" ارەكەتتەرىنە بارعان. ولار بۇل قىلمىسى ءۇشىن 15-20 جىلعا نەمەسە ءومىر بويىنا سوتتالۋى مۇمكىن.
ەسىرتكى مافياسى بىلتىر جىل بويى بەلسەندى جۇمىس ىستەگەن. 2016 جىلى جەلتوقساندا كۇدىكتىلەر ۇستالدى. قىلمىستىق توپتىڭ باسشىسى ايەل ادام بولىپ شىقتى، ونىڭ ءۇيىن ءتىنتۋ بارىسىندا 3 كەلى 227 گرامم گەروين مەن وق اتاتىن قارۋ جانە ءوق-دارى تابىلعان.
پىكىر قالدىرۋ