جول قوزعالىسى اراسىنداعى جۇرگىزۋشىلەردىڭ ءتارتىبىن ارتتىرىپ، جول-كولىك وقيعالارىن تومەندەتۋ ماقساتىندا، استانا قالاسىنىڭ ءىىد جەرگىلىكتى پوليسيا قىزمەتى تۇراقتى نەگىزدە پروفيلاكتيكالىق ءىس-شارالار جۇرگىزۋدە. 

ءىس-شارا وتكىزۋ بارىسىندا كولىكتى ماس كۇيدە جۇرگىزىپ جول ەرەجەسىن بۇزۋ، جول قيىلىسىنداعى ەرەجەنى بۇزۋ، رۇقسات بەرىلگەن جىلدامدىق جوعارىلاتۋدى، باسىپ وزۋ ەرەجەلەرىن بۇزۋ، قارسى جولعا شىعۋ، جاياۋ جۇرگىنشىلەر جول قيىلىسىنان  ءوتىپ كەتۋ، قاۋىپسىزدىك بەلدىگىن پايدالانباۋ، سونداي-اق  كولىك جۇرگىزۋشىسى تەلەفونمەن سويلەسۋ جانە تاعى باسقا-دا جول ەرەجەلەرىنە باسا نازار اۋدارىلادى. بۇل تۋرالى Qamshy.kz اقپارات اگەنتتىگى استانا قالاسى اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.

جالپى استانا قالاسىنىڭ ءىىد جول-پاترۋلدىك پولك قىزمەتىمەن 72 مىڭنان استام ججە بۇزعاندار انىقتالدى. ونىڭ ىشىندە: جۇرگىزۋشىلەرمەن 68 مىڭنان استام جول ەرەجەسىن بۇزعاندار، ياعني جىلدامدىقتى ارتتىرعاندار 2600-دەن استام، اۆاريالىق اقۋال تۋعىزعاندار 160-تان استام،  قاۋىپسىزدىك بەلدىگىن پايدالانباعاندار 5000-نان استام، باعدارشامنىڭ تىيىم سالۋ بەلگىلەرىنەن وتكەندەر 1300-دەن استام، كولىك جۇرگىزۋ بارىسىندا تەلەفون جەلىسىمەن سويلەسۋ 4700-دەن استام، بەلگىلەنبەگەن جولداردان ءوتىپ، اكىمشىلىك جاۋاپكەرشىلىككە تارتىلعان جاياۋ جۇرگىنشىلەردىڭ سانى 4000-نان استام.

قولدانىلعان شارالار ناتەجەسىندە ەلوردادا جكو 385-تەن 329-عا تومەندەۋى بايقالادى.