استاناداعى مەكتەپتەردە EXPO-عا بايلانىستى ساباقتار كەيىنگە شەگەرىلمەيدى، دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.

بۇل تۋرالى استانا قالالىق ءبىلىم بەرۋ باسقارماسىنىڭ باسپا ءسوز حاتشىسى جازيرا اسانوۆا مالىمدەدى.

ونىڭ ايتۋىنشا، 2017-2018 وقۋ جىلىنا ارنالعان سالتاناتتى ساپ تۇزەۋ 2-قىركۇيەكتە وتەدى.

"قۇرمەتتى اتا-انالار! ءبىرىنشى قىركۇيەك – ءبىلىم كۇنى ەلىمىزدەگى قۇربان ايت مەيرامىنا سايكەس كەلۋىنە بايلانىستى، مەكتەپتەردەگى 2017-2018 وقۋ جىلىنا ارنالعان سالتاناتتى ساپ تۇزەۋ 2-قىركۇيەك كۇنى وتەدى. قالالىق مەكتەپتەردە وقۋ ءۇردىسى وزگەرىسسىز وسى كۇنى باستالادى. كوللەدجدەردە ساباق 18 قىركۇيەكتە باستالادى"، – دەدى جازيرا اسانوۆا.

ەسكە سالا كەتەيىك، وسىعان دەيىن استانادا EXPO-عا بايلانىستى وقۋ جىلى كەش باستالۋى مۇمكىن ەكەنى ايتىلعان بولاتىن. "استانا جايلى ايتار بولساق، EXPO-2017 كورمەسىنە بايلانىستى شىن مانىندە جول-كولىك جەلىسىندە جوعارى قىسىم بولۋى مۇمكىن دەگەن بولجام بار. ەلوردانىڭ ءبىلىم باسقارماسى "العاشقى قوڭىراۋدى" 1-قىركۇيەكتە ادەتتەگىدەي وتكىزسە دە، وقۋ جىلىن 12-قىركۇيەكتە باستاۋ تۋرالى ۇسىنىس ايتتى"، – دەپ تۇسىندىرگەن ەدى ءبىلىم جانە عىلىم ۆيسە-مينيسترى ەلميرا سۋحانبەردييەۆا.