بۇگىن تۇركيا-قازاقستان بيزنەس فورۋمىنىڭ اشىلۋ سالتاناتىندا ءسوز سويلەگەن تۇركيانىڭ ەكونوميكا ءمينيسترى نيxات زەيكبەدجي ءوز xالقىنىڭ ىستىق سالەمىن جەتكىزدى، دەپ xابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.

«ءبىز اتا جۇرتىمىزعا كەلگەنىمىزگە وتە قۋانىشتىمىز. قازاقستان - اتا-بابالارىمىزدىڭ جەرى. بۇگىن ەكسپو كورمەسىندە تۇركيانىڭ ۇلتتىق كۇنى اتالىپ وتۋدە. ءبىزدىڭ دەلەگاسيامىزدى وتە جاقسى قارسى الدى، ۇلتتىق كۇنىنە ارنالعان شارالار دا جوعارى دەڭگەيدە ۇيىمداستىرىلدى. ريزامىز! اتا جۇرتىمىزعا كەلىپ، تولقىپ وتىرمىز. بۇل جەردە ءوزىمىزدى ۇيدە جۇرگەندەي سەزىنەمىز. تاعى ءبىر اپتاداي جۇرسەك، قازاق تىلىندە ەركىن سويلەپ كەتەمىز. سەبەبى ءقازىردىڭ وزىندە ءبىر-بىرىمىزدىڭ ءتىلىمىزدى ءتۇسىنۋ قيىن ەمەس. ال، ەڭ باستىسى، ءبىز ءبىر-بىرىمىزدى جۇرەك ارقىلى تۇسىنەمىز. سەبەبى جۇرەكتىڭ ءتىلى ورتاق»، - دەيدى زەيكبەدجي.

ونىڭ ايتۋىنشا، قازىرگى ەكى جاقتىڭ ساۋدا-ەكونوميكالىق بايلانىستارى ويداعىداي دامىپ كەلەدى. الايدا ول بايلانىستاردى ءالى دە كۇشەيتۋگە بولادى.

«شىنى كەرەك، ەكى جاقتى الىس-بەرىستىڭ باسىم بولىگى تابيعي رەسۋرستارعا تيەسىلى. بىزگە باسقا سالالاردا دا بايلانىستاردى دامىتۋ قاجەت. ساۋدا-ساتتىقتىڭ كولەمىن 5 ملرد. دوللارعا جەتكىزۋ كەرەك. ەكى ەلدىڭ پرەزيدەنتتەرى وسىنداي مەجەنى بەلگىلەپ وتىر. نەگىزى، نازاربايەۆ پەن ەردوعان ءبىر-بىرىن دوس رەتىندە عانا ەمەس، باۋىر رەتىندە دە قاتتى سىيلايدى. كاسىپكەرلەر ءۇشىن وسىنداي تىعىز بايلانىستىڭ بولعانى ءتيىمدى. سەبەبى ساياسي قارىم-قاتىناس جاقسى بولسا، ەكونوميكالىق بايلانىستار دا جاقسى داميدى»، - دەپ اتاپ كورسەتتى زەيكبەدجي مىرزا.