ءبىرىنشى سىنىپقا ارنالعان مەكتەپ باعدارلاماسى وتكەن جىلى ەنگىزىلگەن جاڭارتىلعان مازمۇندا جۇرگىزىلەدى.

ءبىرىنشى سىنىپ وقۋشىلارىن 95 جالپى ءبىلىم بەرەتىن مەكتەپ قابىلداۋعا دايىن. استانا قالاسىنىڭ ءبىلىم باسقارماسىنىڭ مالىمەتىنشە، ەلوردادا وقۋشىلار ورنى جەتىسپەۋشىلىگى بولۋى مۇمكىن.

وسىعان بايلانىستى، ءقازىر مەكتەپتەرگە قوسىمشا نىساندار سالۋ قۇرىلىسى اياقتالۋدا. ولاردى پايدالنۋعا 2017-2018 وقۋ جىلىنىڭ باسىندا بەرۋ جوسپارلانعان. بۇگىنگى تاڭدا 6 مەكتەپ قۇرىلىسى باستالدى. جىل سوڭىنا دەيىن تاعى 4 ءبىلىم ورداسىنىڭ قۇرىلىسى باستالادى، - دەپ مالىمدەدى استانا قالاسى ءبىلىم باسقارماسى باسشىسىنىڭ م.ا.ءانۋار جانعوزين. 

بىلتىرعى وقۋ جىلىندا جالپى ءبىلىم بەرۋ مەكتەپتەرىنىڭ 1 سىنىپتارى جاڭارتىلعان ءبىلىم مازمۇنىنا كوشتى.

-كوشۋ ءبىرىنشى كەزەكتە ۇستازدار ءۇشىن وڭاي بولعان جوق. جاڭارتىلعان مازمۇن ساباق بەرۋ ءتاسىلىن وزگەرتۋدى تالاپ ەتتى. ءار ساباقتا پەداگوگتار كريتيكالىق جانە ساراپتامالىق ويلاۋدى دامىتۋعا باعىتتاۋ تەحنولوگيالارىن قولدانۋ كەرەك. ەڭ ماڭىزدى قۇرام كريتەريالىق باعالاۋ جۇيەسى بولادى، ول ءبىلىم مەكەمەسىنىڭ اشىقتىعىن قاماتامسىز ەتۋگە مۇمكىندىك بەرەدى. ءبىلىم بەرۋدىڭ جاڭارتىلعان مازمۇنىن جۇزەگە اسىرۋ ءۇشىن قالالىق مۇعالىمدەر كەڭەسى قۇرىلدى، - دەدى ءانۋار جانعوزين. 

2017-2018 وقۋ جىلىندا 1، 2، 5، 7 سىنىپتارداعى جاڭارتىلعان باعدارلاما بويىنشا 4149 ءمۇعالىم جۇمىس ىستەيدى. پەداگوگتاردىڭ 75 پايىزى وقىتۋدان وتكەن. تاعى 156 باستاۋىش سىنىپتاردىڭ ۇستازدارى جانە 787 ءپان مۇعالىمدەرى 2017 جىلدىڭ سوڭىنا دەيىن كۋرستان وتەدى. 25 مەكتەپتە قازاق، ورىس، اعىلشىن تىلدەرىندە كوپتىلدىلىك وقىتۋ ەنگىزىلگەن، 99 ۇستاز جاراتىلىستانۋ-ماتەماتيكا پاندەرىن اعىلشىن تىلىندە وقىتۋدى ءساتتى جۇزەگە اسىرۋدا، 19 مەكتەپتە ەكى شەت ءتىلىن وقىتۋ ەنگىزىلدى.