ق ر ۇكىمەتىنىڭ باسپا ءسوز ورتالىعىندا وتكەن بريفينگ بارىسىندا ەنەرگەتيكا ۆيسە-مينيسترى باقىتجان جاقسالييەۆ «نۇرلى جول» ينفراقۇرىلىمدى دامىتۋ مەملەكەتتىك باعدارلاماسىن جۇزەگە اسىرۋ تۋرالى ايتىپ بەردى. بۇل تۋرالى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ حابارلايدى.   

ۆيسە-مينيستردىڭ ايتۋىنشا، «نۇرلى جول» باعدارلاماسى اياسىندا  500 كۆ ەكىباستۇز-شۇلبى گەس (سەمەي) – وسكەمەن جەلىسى قۇرىلىسى» جوباسىن جۇزەگە اسىرۋدىڭ ماقساتى سولتۇستىك-شىعىس قيىلىسىنداعى جەلىلەردىڭ وتكىزۋ قابىلەتىن ارتتىرۋ، رەسەي ەەو جەلىسى ارقىلى ەلەكتر ەنەرگياسىنىڭ تاسىمالداۋىنا بايلانىسسىز شقو تاپشىلىعىن جابۋدى قامتاماسىز ەتۋ جانە بۇلاق گەس كونتررەتتەۋىشىن ەنگىزۋمەن ءشۇلبى گەس تولىق قۋاتتىلىعىن بەرۋ بولىپ تابىلادى. 

«جوبانىڭ جۇزەگە اسىرىلۋ مەرزىمى: 2011–2017 جىلدار. جوبا قۇنى – 53،3 ملرد. تەڭگە. قارجىلاندىرۋ تولىعىمەن  KEGOC كومپانياسىنىڭ قاراجاتى ەسەبىنەن جۇزەگە اسىرىلادى. بۇگىنگى تاڭدا جوبانىڭ بارلىق قۇرىلىس-مونتاج جۇمىستارى تابىستى اياقتالدى»، – دەدى باقىتجان جاقسالييەۆ.

سالىنعان نىسانداردى ىسكە قوسۋ 2016 جىلى 6 جەلتوقساندا مەملەكەت باسشىسىنىڭ قاتىسۋىمەن «يندۋستريالاندىرۋ كۇنى» اياسىندا وتكەن تەلەكوپىر بارىسىندا ىسكە اسىرىلدى. جوبانىڭ ءبىرىنشى كەزەڭى بويىنشا قۇرىلىس-مونتاج جۇمىستارى جوسپارلانعان 2017 جىلدىڭ ورنىنا، 2016 جىلى، كەستەسىنەن بۇرىن اياقتالدى. 

2018 جىلى اياقتالاتىن تاعى ءبىر جوبا - اقتوعاي–تالدىقورعان–الماتى 500 كۆ شگەس ەلەكتر جەلىسىنىڭ قۇرىلىسى. 

«جوبانى جۇزەگە  اسىرۋ قازاقستاننىڭ سولتۇستىك-وڭتۇستىك باعىتى بويىنشا ۇلتتىق ەلەكتر جەلىسىنىڭ ترانزيتتىك الەۋەتىن ارتتىرۋعا مۇمكىندىك بەرەدى، ەلەكترلەندىرىلەتىن تەمىرجول ۋچاسكەلەرىنىڭ، ەنەرگيا قاجەت تاۋ-كەن ونەركاسىبى نىساندارىنىڭ قاجەتتىلىكتەرىن جابۋدى قامتاماسىز ەتەدى، شەكارا ماڭى تەرريتوريالارىن دامىتۋ جانە جاڭعىرتىلاتىن ەنەرگيا الەۋمەتىن اۋقىمدى يگەرۋ ءۇشىن جاعدايلار تۋدىرادى، سونىمەن قاتار شىعىس ايماقتىڭ قازاقستاننىڭ ءبىرىڭعاي ەلەكترجۇيەسىمەن بايلانىسىن كۇشەيتەدى»، – دەدى ب. جاقسالييەۆ.