قازگيدرومەت 11 تامىزدا ەلىمىزدىڭ ايماقتارىندا بولاتىن ەرەكشە مەتەورولوگيالىق قۇبىلىستارعا بولجاۋ-كونسۋلتاسياسىن جاريالادى، دەپ جازادى Qamshy.kz اقپارات اگەنتتىگى.

اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم ايماقتارىندا تۇراقسىز اۋا رايى ساقتالادى، جاڭبىر مەن نايزاعاي بولادى. جەل كۇشەيىپ، بۇرشاق، داۋىل بولۋى مۇمكىن. رەسپۋبليكانىڭ باتىسىندا، سولتۇستىك-باتىسىندا جاۋىن-شاشىنسىز اۋا رايى ساقتالادى. رەسپۋبليكانىڭ سولتۇستىگىندە جانە سولتۇستىك-باتىسىندا تۇمان كۇتىلەدى.

وڭتۇستىك قازاقستان،  كۇندىز جامبىل، شىعىس قازاقستان وبلىستارىنىڭ كەي جەرلەرىندە بۇرشاق، داۋىل، جەل 15-20، ەكپىنى 23-28 م/س دەيىن كۇشەيەدى.

پاۆلودار وبلىسىنىڭ كەي جەرلەرىندە جەل 15-20، ەكپىنى 23-28 م/س كۇشەيەدى، تۇمان بولادى. قوستاناي، كۇندىز اقتوبە وبلىستارىنىڭ كەي جەرلەرىندە جەل 15-20 م/س كۇشەيەدى، تۇندە جانە تاڭەرتەڭ تۇمان بولادى.

اقمولا، قاراعاندى، الماتى، كۇندىز سولتۇستىك  قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، بۇرشاق، داۋىل بولىپ، اقمولا، سولتۇستىك  قازاقستان وبلىستارىندا تۇندە جانە تاڭەرتەڭ تۇمان  كۇتىلەدى.

قىزىلوردا، ماڭعىستاۋ، تۇندە اتىراۋ وبلىستارىنىڭ كەي جەرلەرىندە جەل 15-20 م/س كۇشەيەدى، قىزىلوردا وبلىسىندا شاڭدى داۋىلمەن بولادى.

الماتى وبلىسى، قىزىلوردا، اتىراۋ، وڭتۇستىك قازاقستان، جامبىل، باتىس قازاقستان،  اقتوبە، قاراعاندى وبلىستارىنىڭ  كەي جەرلەرىندە  وتە جوعارى ءورت ءقاۋىپى ساقتالادى. 

استانا ق: كوشپەلى بۇلتتى،  كەي كەزدەردە  جاڭبىر جاۋادى، نايزاعاي، داۋىل، بۇرشاق بولۋى مۇمكىن. سولتۇستىك، سولتۇستىك-شىعىستان جەل سوعادى، كۇشى 9-14، ەكپىنى 15-20 م/س. اۋانىڭ  تەمپەراتۋراسى تۇندە +8+10°س، كۇندىز +14+16°س بولادى.                                                                                                                                                  
الماتى ق: كوشپەلى بۇلتتى، كۇندىز وتكىنشى جاڭبىر، نايزاعاي بولادى. جەلدىڭ كۇشى 2-7 م/س، نايزاعاي كەزىندە ەكپىنى 12 م/س بولادى. اۋانىڭ تەمپەراتۋراسى تۇندە +19+21°س، كۇندىز +29+31°س بولادى.