ورتالىق كوممۋنيكاسيا قىزمەتىنىڭ (وكق) باسشىسى ارتۋر نىعمەتوۆ قىزمەتىنەن كەتتى دەپ حابارلايدى Qamshy.kz اقپارات اگەنتتىگى. بۇل جايىندا ق ر اقپارات ءمينيسترى داۋرەن ابايەۆ ءوزىنىڭ الەۋمەتتىك جەلىدەگى جەكە پاراقشاسىندا مالىمدەدى.

«بۇگىن وقك باسشىسى ارتۋر نىعمەتوۆپەن اڭگىمە بارىسىندا ءوزىنىڭ الداعى ۋاقىتتارعا ارنالعان جوسپارىن ايتىپ، شەتەلگە وقۋعا كەتۋگە نيەتتەنىپ جۇرگەندىگىن جەتكىزدى. ارتۋردىڭ بۇل شەشىمىن قۇپ كورىپ، وعان قولداۋ كورسەتۋگە قاجەت دەپ تاپتىم.

از عانا ۋاقىتتىڭ ىشىندە ارتۋر نىعمەتوۆ ورتالىق كوممۋنيكاسيا قىزمەتىنىڭ جۇمىسىن ىلگەرى دامىتىپ، ب ا ق وكىلدەرىمەن ءوزارا كەلىسىمگە كەلىپ، جۇمىسىن جاقسى اتقارا ءبىلدى.

"ارتۋرعا ۇلكەن العىس ءبىلدىرىپ، الدىنا قويعان ماقساتىنا جەتىپ، ساتتىلىك تىلەگىم كەلەدى"، –  دەپ جازادى داۋرەن ابايەۆ.

ايتا كەتەر بولساق، ارتۋر نىعمەتوۆ وكق باسشىلىعىنا 2017 جىلدىڭ مامىر ايىندا كەلگەن بولاتىن. 2015 جىلى ول – الماتى اكىمىنىڭ باسپا ءسوز حاتشىسى قىزمەتىن اتقارىپ، سول جىلدىڭ 21 قىركۇيەگىندە ول قىزمەتىنەن دە كەتكەن. وكق باسشىلىعىنا كەلمەس بۇرىن ول – قىزىلوردا وبلىسى اكىمىنىڭ كەڭەسشىسى بولعان.