سينوپتيكتەر دەمالىس كۇندەرىنە ارنالعان اۋا-رايى بولجامىن ايتتى دەپ حابارلايدى Qamshy.kz اقپارات اگەنتتىگى كازگيدرومەتكە سىلتەمە جاساي وتىرىپ.

سينوپتيكتەردىڭ مالىمەتىنشە، ەلىمىزدە الداعى كۇندەرى اۋا تەمپەراتۋراسى تومەندەيدى.

بيىكتىك بارومەترلىك ويپاتتار تايمىر اۋداندارىنان قازاقستانعا ىلعالدى جانە سالقىن اۋا الىپ كەلەدى. وسىنىڭ اسەرىنەن رەسپۋبليكانىڭ كوپتەگەن بولىكتەرىندە اۋا تەمپەراتۋراسى تومەندەيدى، سونداي-اق كەي جەرلەردە جاڭبىر جاۋىپ، كۇن كۇركىرەيدى، كەيبىر اۋدانداردا تۇمان، بۇرشاق جانە ەكپىندى جەل بولۋى مۇمكىن. تەمپەراتۋرالىق فون سولتۇستىك، ورتالىق جانە شىعىس ايماقتاردا تۇندە 2-12 گرادۋسقا دەيىن تومەندەيدى، ال كۇندىز 15-25 تەن 20-30 گرادۋسقا دەيىن بىرتىندەپ جوعارىلايدى.

شىعىس قازاقستان وبلىسى بويىنشا 12 تامىزدا جاڭبىر، نايزاعاي، بۇرشاق، داۋىل، جەل ەكپىنى 23-28 م/س-قا دەيىن كۇشەيەدى. سونداي-اق، وسكەمەن قالاسى بويىنشا 12 تامىزدا تۇندە جەل 15-20 م/س-قا كۇشەيەتىنى ايتىلادى. ال 12 تامىزدا قوستاناي وبلىسىنىڭ كەي جەرلەرىندە نايزاعاي، جەل بولۋى مۇمكىن.