وڭتۇستىك قازاقستان وبلىسىندا ءىرى جول-كولىك اپاتىنان ءۇش ادام مەرت بولدى. قايعىلى جاعداي جۇما كۇنى ساعات 08:00-دەر شاماسىندا بادام ەلدى مەكەننىڭ ماڭىندا بولعان دەپ حابارلايدى وقو ءىىد مەملەكەتتىك ءتىل جانە اقپارات باسقارماسىنىڭ باسپا ءسوز حاتشىلىعىنا سىلتەمە جاساپ Qamshy.kz اقپارات اگەنتتىگى.
1991 جىلى تۋعان ازامات ءوزى باسقارىپ كەلە جاتقان «حوۆو» اۋىر جۇك كولىگىمەن قارسى باعىتقا شىعىپ كەتىپ، ۆاز-21070 ماركالى جەڭىل ماشيناسىمەن سوقتىعىسقان. سالدارىنان 1985 جىلى تۋعان جەڭىل كولىك جۇرگىزۋشىسى مەن 1960 جانە 1984 جىلدارداعى ەكى جولاۋشى وقيعا ورنىندا ءتىل قاتپاي كەتكەن. ۆاز ماشيناسىنىڭ ىشىندە بولعان تاعى ەكى جولاۋشى – 1987 جانە 1992 جىلدارى تۋعان ازاماتتار ءارتۇرلى دەنە جاراقاتتارىمەن جەدەل جاردەم اۋرۋحاناسىنا جەتكىزىلگەن.
