الەۋمەتتىك جەلىدە ءىشى قۇرتقا تولى قاربىزداردىڭ ۆيدەوسى كەڭىنەن تارالدى، دەپ حابارلايدى Qamshy.kz اقپارات اگەنتتىگى.
Facebook الەۋمەتتىك جەلىسىندە تارالعان مىنا ۆيدەودا ءىشى قۇرتقا تولعان قاربىزداردى كورسەتىپ، مۇنى ادام ەمەس، ءتىپتى، مالعا دا بەرۋگە بولمايتىندىعىن ايتادى.
زەرتحانالاردىڭ بىرىندە تۇسىرىلگەن بۇل ۆيدەودا ءوزىمىزدىڭ جەرىمىزدە وسىرىلەتىن قاربىزداردىڭ قانداي جاعدايدا ەكەندىگى اشىق كورسەتىلگەن. بەلگىلى بولعانداي، 35 توننا بولاتىن بۇل قاربىزدار وقو جەتىساي قالاسىنان اكەلىنگەن ەكەن.
تەكسەرۋشىلەردىڭ ايتۋىنشا، مۇنداي قاربىزدى جەگەن ادام قانداي دا ءبىر دەرتكە شالدىعارى انىق. سەبەبى، مۇنى ادام عانا ەمەس، مالعا بەرۋگە بولمايتىن كورىنەدى.
سونىمەن قاتار، ماماندار مۇنداي قاربىزدار ەلىمىزدىڭ تۇكپىر-تۇكپىرىنە تاراپ جاتقاندىعى تىلگە تيەك ەتە وتىرىپ: «وسىلاردىڭ بىرەۋىن ەكسپو كورمەسىنە كەلگەن شەتەلدىك قوناقتاردىڭ ءبىرى جەپ قويسا، ماسقارا بولامىز»، - دەيدى.
