الەۋمەتتىك جەلىدە تارالعان مىنا ۆيدەوداعى ەكى بالاقايدىڭ ىس-ارەكەتىنە جۇرت سۇيسىنە قاراپ، تۇرلىشە پىكىر بىلدىرۋدە دەپ حابارلايدى Qamshy.kz اقپارات اگەنتتىگى.
فارابي ەسىمدى مەكتەپ وقۋشىسى ورىس ءتىلىن ۇيرەنۋ ماقساتىندا ءوزىنىڭ كورشىسى ارتەم دەگەن بالامەن دوس بولعان. الايدا، ۋاقىت وتە كەلە جاعداي مۇلدەم باسقاشا بولعان. ورىسشا ۇيرەنەمىن دەپ جۇرگەن فارابي ءوزىنىڭ دوسى ارتەمعا قازاقشا ۇيرەتىپ، ماسەلەنىڭ باسقا شەشىمىن تاۋىپتى.
«قازاق ءتىلىن بىلمەيتىن قازاقتارعا نە ايتاسىڭ؟» دەگەن سۇراققا ارتەم: «قازاق ءتىلىن بىلمەيتىن قازاقتارعا «ۇيات-اي» دەيمىن»، – دەپ جاۋاپ بەرگەن.
راسىمەن دە، كىشكەنتاي بالاقايلاردىڭ بۇل ىس-ارەكەتى قازىرگى تاڭدا ەرەسەك ادامداردىڭ كوپشىلىگىنە، قالا بەردى، بيلىك باسىندا وتىرعان ءبىرشاما شەندى، لاۋازىمدى قىزمەتكەرلەرگە ۇلگى بولارلىقتاي جاعداي ەكەن.
"قازىرگى تاڭدا ورىس ءتىلىن بىلمەسەم، ءومىر سۇرە المايمىن" دەگەن ارتىق ويدى مۇلدەم ۇمىتىپ، ماسەلەگە باسقا قىرىنان قاراۋدى ۇيرەنگەنىمىز ءجون سەكىلدى.
